გენერალმა დენ კეინმა განაცხადა, რომ მასზე არასდროს განუხორციელებიათ ზეწოლა ტრამპს ან ჰეგსეტს, რათა განსხვავებული შეფასება მიეცა ირანის ბირთვულ ობიექტებთან დაკავშირებით აშშ-ის სამხედრო ოპერაციაზე

აშშ-ის შეიარაღებული ძალების მეთაურთა გაერთიანებული კომიტეტის ხელმძღვანელმა, გენერალმა დენ კეინმა განაცხადა, რომ მასზე არასდროს განუხორციელებიათ ზეწოლა პრეზიდენტ დონალდ ტრამპს ან თავდაცვის მდივან პიტ ჰეგსეტს, რათა განსხვავებული შეფასება მიეცა ირანის ბირთვულ ობიექტებთან დაკავშირებით აშშ-ის სამხედრო ოპერაციაზე.

„ჩემი, როგორც თავმჯდომარის, მოვალეობაა, შევთავაზო პრეზიდენტს და ეროვნული სარდლობის ორგანოს უამრავი ვარიანტი, განვუმარტო თითოეულ მათგანთან დაკავშირებული რისკები, შემდეგ მივიღო ეროვნული სარდლობის ორგანოს ბრძანებები და შევასრულო ისინი. არასდროს განუხორციელებიათ ჩემზე ზეწოლა არც პრეზიდენტს და არც მდივანს, რომ მეთქვა ისეთი რამ, რაც არ შეესაბამებოდა ჩემს აზრებს. მე ყოველთვის ზუსტად იმას ვამბობდი, რასაც ვფიქრობდი“, - აღნიშნა დენ კეინმა.