აღმოაჩინეს ასობით მილიონი დოლარის ღირებულების განძი, რომელიც მიწაში იყო ჩაფლული

ნამდვილი სენსაცია ნუმიზმატიკის სამყაროში: აღმოჩენილია განძი იშვიათი ოქროს მონეტებით, რომლის ღირებულება დაახლოებით 160 მილიონ დოლარს შეადგენს. მას უკვე უწოდეს „მოგზაურის კოლექცია“ და ის უკვე اითვლება ერთ-ერთ ყველაზე ძვირად ღირებულ კოლექციად. წერს Daily Galaxy.

კოლექცია შეაგროვა ერთმა ევროპელმა კოლექციონერმა 1930-იან წლებში, როცა ის მოგზაურობდა ევროპასა და ამერიკაში იშვიათი მონეტების შესაგროველად. მეორე მსოფლიო ომის დაწყების შემდეგ, მონეტების დაკარგვის შიშით, მან მთელი კოლექცია მიწაში დამარხა.

კოლექცია ხელუხლებლად იდო ნახევარ საუკუნეზე მეტი ხნის განმავლობაში, სანამ ის მემკვიდრეებმა არ აღმოაჩინეს. მონეტები ინახებოდა ლითონის კონტეინერებსა და სიგარის ყუთებში — მიწისქვეშ საგულდაგულოდ დამალული. 

კოლექციაში შედის ასობით მონეტა, თითოეულს არა მხოლოდ დიდი ფასი, არამედ უნიკალური ისტორია აქვს. მათ შორის:

ფერდინანდ III-ის 100 დუკატი (1629 წელი), რომლის წონა თითქმის 350 გრამს შეადგენს — მისი ღირებულება შეფასებულია 1.3 მილიონ დოლარზე მეტით.პოლონეთის მეფე სიგიზმუნდ III-ის 70 დუკატი — დაახლოებითი ფასი 470 ათასი დოლარია.სულ რამდენიმე ეგზემპლარად შემორჩენილი, ულტრა-იშვიათი ირანული თომანები XVIII საუკუნის ბოლოდან — მათ შორის სრული კომპლექტიც, რომელთა მსოფლიოში მხოლოდ ხუთი ცალია.ეს კოლექცია უკვე მოიხსენიება, როგორც ერთ-ერთი ყველაზე შთამბეჭდავი აღმოჩენა ნუმიზმატიკის ისტორიაში.