გაფრთხილება მძღოლებს - ვერაზე მოძრაობა იზღუდება

ვერაზე, ლარსის ქუჩაზე, დაგეგმილი ინფრასტრუქტურული სამუშაოების გამო, ტრანსპორტის მოძრაობა ნაწილობრივ შეიზღუდება.

თბილისის მერიის ინფორმაციით, აღნიშნულ მონაკვეთზე ავტომანქანები იმოძრავებენ შეფერხებით, თუმცა გადაადგილების მიმართულება არ შეიცვლება.

ნაწილობრივი შეზღუდვა პირველი აპრილის ჩათვლით იმოქმედებს.

თბილისის მერია მოქალაქეებს ბოდიშს უხდის დისკომფორტისთვის.