ილია ვერძაძე: ჰერჩინსკის განცხადება უფრო უტიფრობაა, ვიდრე უცოდინრობა - როდესაც საკუთარ უსაფუძვლო იარლიყს მოცემულობად ასაღებს

აჭარის ავტონომიური რესპუბლიკის უმაღლესი საბჭოს  ფრაქცია "ქართული ოცნების" წევრი, ჯანმრთელობისა და სოციალური დაცვის საკითხთა კომიტეტის თავმჯდომარე ილია ვერძაძე, საქართველოში ევროკავშირის ელჩის - პაველ ჰერჩინსკის მიერ ჩვენი ქვეყნის კანონმდებლობასა  და ევროკავშირში გაწევრიანებასთან დაკავშირებით  გაკეთებულ განცხადებას სოციალური ქსელით ეხმაურება.

"საქართველოს თუ სურს, ოდესმე გახდეს ევროკავშირის წევრი, უნდა მიიღოს არა ამერიკული, რუსული ან ჩინური, არამედ ევროპული კანონები," - აღნიშნა ახლახანს ევროპელმა დიპლომატმა.

"ჰერჩინსკის განცხადება უფრო უტიფრობაა, ვიდრე უცოდინრობა - როდესაც საკუთარ უსაფუძვლო იარლიყს მოცემულობად ასაღებს. კანონი ქართულია, საქართველოს ინტერესებს ემსახურება და საუკეთესო დემოკრატიულ, მათ შორის ევროპულ სტანდარტებს შეესაბამება," - წერს ილია ვერძაძე.