ზოდიაქოს 2 ნიშანი, რომელიც ყველა ადამიანში ნაკლს პოულობს

ყველას გვაქვს მომენტები, როცა სხვის შეცდომებზე ვაკეთებთ აქცენტს და საკუთარ თავზე თვალს ვხუჭავთ. თუმცა, ზოდიაქოს ორი ნიშანი ამაში ნამდვილი ოსტატია - ისინი სხვების ნაკლოვანებებს ისე აღმოაჩენენ, როგორც დეტექტივი დანაშაულის კვალს: ზუსტად, სწრაფად და ხშირად ზედმეტად დრამატულადაც კი.

ლომი

ლომები ზოდიაქოს მეფეები და დედოფლები არიან და როგორც ასეთებს შეეფერებათ, პასუხისმგებლობის აღება მათთვის იოლი არასდროს არის. თუ რაღაც არასწორად მიდის, მიზეზი იშვიათად არის ლომში - პრობლემა, ალბათ, სხვების დაუფასებლობას, უმადურობას ან „შეუგნებლობას“ უკავშირდება.

ლომი შეიძლება იყოს გულუხვი, თავდადებული და ძალიან დიდსულოვანი, მაგრამ კრიტიკის მოსმენა მისთვის გამოწვევაა. ასეთ დროს მზადაა დაგარწმუნოს, რატომ არის პრობლემა შენში, სისტემაში ან… პლანეტურ განლაგებაში.

თვითშეგნება ლომს არ აკლია, მაგრამ თვითკრიტიკა მხოლოდ მაშინ ირთვება, როცა კომპლიმენტების ჩარჩოში ჩასმულია: „ხო, მეც ალბათ ზედმეტად ვღელავ… იმიტომ, რომ გულგრილი არ ვარ“.

მშვილდოსანი

მშვილდოსნები არიან პატიოსნები, მახვილგონიერები და სავსე ფილოსოფიური ხედვებით, მაგრამ როცა საქმე თვითანალიზზე მიდგება, მათ ხშირად ერთი პასუხი აქვთ: „ასეთი ვარ და ეს სრულიად ნორმალურია“.

ურთიერთობაში პრობლემები? მშვილდოსანი ყველაფერს აგიხსნით - ლოგიკით, მაგალითებით და ცხოვრებისეულ გაკვეთილებზე დაყრდნობით. და დიახ, ამ ყველაფრის ბოლოს შესაძლოა დასკვნა იყოს, რომ შენ ხარ ზედმეტად მგრძნობიარე, მოუქნელი ან უბრალოდ… არასაკმარისად სპონტანური.

მშვილდოსნები იშვიათად ითვისებენ დანაშაულის გრძნობას - მათთვის ეს შიდა თავისუფლების შეზღუდვად აღიქმება. ამიტომ ყველაფერს ცხოვრებისეულ გამოცდილებად მიიჩნევენ - ოღონდ შენთვის. მათ კი, რაც უნდა გაეკეთებინათ, უკვე იციან. და თუ არ იციან, ისე გამოიყურებიან, თითქოს იციან.