სტიქია კახეთში - სეტყვამ რამდენიმე მუნიციპალიტეტი დააზარალა

სტიქია კახეთში. ძლიერმა სეტყვამ რამდენიმე მუნიციპალიტეტი  დააზარალა. განსაკუთრებით, გურჯაანის სოფლები. სოფელ ჩუმლაყში დასეტყვილია ვენახები, ნათესები და ხეხილი.

მნიშვნელოვანი ზარალი მიადგა სოფელ ახაშენსაც. განადგურებულია ატმის, გარგრისა და ვაშლის ბაღები. ადგილობრივი ხელისუფლების ინფორმაციით, ზარალის დათვლა დილიდან დაიწყება.

გურჯაანის მუნიციპალიტეტის გარდა ძლიერი სეტყვა იყო სიღნაღის რაიონშიც.