სოფელ კაბალში, სპეცოპერაციის დროს დაჭრილი სპეცრაზმელი ამ დრომდე საავადმყოფოში რჩება

 საავადმყოფოში რჩება სოფელ კაბალში, სპეცოპერაციის დროს დაჭრილი სპეცრაზმელი. ექიმების შეფასებით, 32 წლის სამართალდამცველის სიცოცხლე ჯავშან-ჟილეტმა გადაარჩინა, თუმცა მას გულმკერდის არეში საკმაოდ სერიოზული ჭრილობა აქვს.

შინაგან საქმეთა სამინისტროს ინფორმაციით, პირმა, რომელიც უნდა დაეკავებინათ, სპეცრაზმს ცეცხლი გაუხსნა. 52 წლის მირზა ალიევი საპასუხო ცეცხლის შედეგად ლიკვიდირებულია. ის ერთ-ერთი იყო იმ 35 ადამიანს შორის, რომელთა დაკავებაზეც განჩინება მოსამართლემ გასცა. საქმე ეხება ქურდული სამყაროს წევრობის, მხარდაჭერისა და მიმართვის ფაქტებს.

დაკავებულებისთვის აღმკვეთის ღონისძიება სასამართლომ შესაძლოა დღეს გადაწყვიტოს.

პარალელურად, პროკურატურამ გახსნილად გამოაცხადა კიდევ ერთი საქმე, რომელიც რამდენიმე ცეცხლსასროლი იარაღის წართმევას და უკანონო გაყიდვას ეხება - აღნიშნულ საქმეზე ბრალი ოფიციალურად წარედგინათ დავით მიქაძესა და მისი დაცვის უფროსს, დავით ჩუბინიძეს.