ავოკადოს შეუძლია თვალების დაცვა რიგი დაავადებებისგან - მეცნიერები ნაყოფის სარგებელზე საუბრობენ

ავოკადო მდიდარია კალიუმით, ბოჭკოვანითა და ნიაცინით, რომელიც მნიშვნელოვან როლს ასრულებს ანთებასთან ბრძოლაში. გარდა ამისა, ეს ხილი შეიცავს ლუტეინს და ზეაქსანტინს - მცენარეულ საკვებ ნივთიერებებს, რომლებიც ხელს უწყობენ თვალის ჯანმრთელობას.

ავოკადო ასევე შეიცავს ჯანსაღ ცხიმებს, კაროტინოიდებს და A, E და K ვიტამინებს - ეს ყველაფერი იცავს თვალებს და ებრძვის მხედველობის დაკარგვის გამომწვევ დაავადებებს, როგორიცაა მაკულური დეგენერაცია და დიაბეტური რეტინოპათია.

ჟურნალ „Nutrients“-ში გამოქვეყნებული 2017 წლის კვლევის თანახმად, ავოკადოს ყოველდღიური მოხმარება აუმჯობესებს ყურადღებას, მეხსიერებას და პრობლემების გადაჭრის უნარებს. ავოკადოს მოხმარების ექვსი თვის შემდეგ, კვლევის მონაწილეებმა აჩვენეს ლუტეინის უფრო მაღალი დონე და მაკულური პიგმენტის უფრო მაღალი სიმკვრივე, რაც დაკავშირებულია კოგნიტური შესაძლებლობების გაუმჯობესებასთან.

გარდა ამისა, 2020 წელს ფსიქოფიზიოლოგიის საერთაშორისო ჟურნალში გამოქვეყნებული კვლევის მიზანი იყო იმის დადგენა, დაეხმარებოდა თუ არა ავოკადოს ყოველდღიური მოხმარება ჭარბწონიან პირებს უფრო მკაფიოდ აზროვნებაში. 12 კვირის განმავლობაში მონაწილეთა ერთ ჯგუფს ყოველდღიურად აძლევდნენ ავოკადოს, მეორეს კი - არა. ჯგუფი, რომელიც ყოველდღიურად მოიხმარდა ავოკადოს, უკეთ ასრულებდა გარკვეულ დავალებებს, რომლებიც მოითხოვდა ყურადღებას და კონცენტრაციას.

მიუხედავად იმისა, რომ კვლევამ ლუტეინის მომატებული დონე აჩვენა, მხოლოდ ეს არ ხსნის ტვინზე მის დადებით გავლენას. მკვლევრები ასევე აღნიშნავენ, რომ ავოკადოში არსებული ჯანსაღი ცხიმები, ბოჭკოები და სხვა საკვები ნივთიერებები შესაძლოა ხელს უწყობდეს ტვინის ფუნქციის გაუმჯობესებას.

ამრიგად, ავოკადო აუმჯობესებს როგორც ტვინის, ასევე თვალის ჯანმრთელობას.