მელიამ პარტიის მხარდამჭერებს მიკროფონთან მიახლოების საშუალება არ მისცა - ორჯონიკიძის ბრალდება მელიას

აჭარის ტელევიზიის ეთერში, ვახო ხუზმიაშვილის გადაცემაში "თავისუფალ სივრცეში" ნაციონალური მოძრაობის ყოფილმა წევრმა მაია ორჯონიკიძემ, რომელმაც პარტია ხმაურით დატოვა და ნიკა მელია საპროტესტო აქციების მიზანმიმართულად დაშლაში დაადანაშაულა, განხეთქილების მიზეზებზე ისაუბრა. 

"ნიკა მელიამ პარტიის მხარდამჭერებს აქციებზე მიკროფონთან მიახლოების საშუალება არ მისცა, მუსიკა ასმენინა და ჩაბნელებული კანცელარიისთვის წრის დარტყმა მოუწოდა. ბავშვობაში რომ იყო "ზილინა, ზილინა, ჰოპ ზილინა, ზილინა", რაღაც ასეთი..." - ამბობს მაია ორჯონიკიძე.