დღეს მივემგზავრებით უკრაინაში - ეს ვიზიტი შესაძლებლობა იქნება, რომ ურთიერთობები შესაბამის კალაპოტში ჩადგეს - ლევან იოსელიანი 

"ჩვენ დღეს მივემგზავრებით უკრაინაში და ეს იქნება შემობრუნების წერტილი იმ ძალიან დაბალ ნიშნულზე მყოფი ქართულ-უკრაინული ურთიერთობების, რომელიც დღეს არსებობს",  - ამის შესახებ ოპოზიციონერმა დეპუტატმა პარლამენტის ვიცე-სპიკერმა, ლევან იოსელიანმა განაცხადა.

„ელჩიც გაწვეულია საქართველოდან და ამ გაფუჭებულ ურთიერთობებს ნამდვილად შველა სჭირდება. ეს ვიზიტი იქნება შესაძლებლობა, რომ ეს ურთიერთობები ჩადგეს იმ კალაპოტში, რასაც იმსახურებს ქართველი და უკრაინელი ხალხი. განსაკუთრებული ურთიერთობაა ხალხს შორის და ვხედავთ, პოლიტიკურ დონეზე როგორ არის ყველაფერი გაფუჭებული“, - განაცხადა იოსელიანმა.