მათი მიზანი პირადად ზელენსკის განადგურებაა - პრეზიდენტის აპარატის უფროსი მრჩეველი

უკრაინის პრეზიდენტის აპარატის უფროსი მრჩევლის, მიხაილ პოდოლიაკის განცხადებით, რუსეთის სპეცოპერაციის ძირითადი მიზანი კიევში შეჭრა და პირადად უკრაინის პრეზიდენტის განადგურებაა.

პოდოლიაკი აცხადებს, რომ მიუხედავად ამისა, ვოლოდიმირ ზელენსკი კიევს არ დატოვებს.

„რუსული სპეცოპერაციის ძირითადი სცენარი ნათელია - მათი ერთადერთი მიზანია კიევში შესვლა და უკრაინის ხელმძღვანელობის, პირადად ვოლოდიმირ ზელენსკის განადგურება. ზელენსკი რჩება კიევში, მან უნდა აჩვენოს, რას ნიშნავს უკრაინელი ხალხის გამძლეობა,"- აცხადებს პოდოლიაკი.