ევროკავშირი რუსეთს ახალ სანქციებს უწესებს

ევროკავშირის ლიდერები რუსეთის წინააღმდეგ სანქციების ახალ პაკეტზე შეთანხმდნენ.

შეზღუდვები მოიცავს ფინანსურ სექტორს, რომელიც რუსეთის საბანკო ბაზრის 70%-სა და სახელმწიფოს კუთვნილ ძირითად კომპანიებს შეეხება, მათ შორის თავდაცვის სფეროში.

სანქციები დაწესდება ენერგოსექტორშიც, საუბარია ექსპორტის აკრძალვაზე, რომელიც ნავთობის სექტორს დააზარალებს, ასევე აიკრძალება რუსეთის ავიახაზებისთვის თვითმფრინავებისა და შესაბამისი აღჭურვილობის მიყიდვა.

რუსეთს შეეზღუდება წვდომა მნიშვნელოვან ტექნოლოგიებზე და ვიზებზე. დიპლომატებსა და ბიზნესწარმომადგენლებს აღარ ექნებათ ევროკავშირში პრივილეგირებულად შესვლის საშუალება.