74-ჯერ დარღვეული ცეცხლის შეწყვეტის შეთანხმება და დაჭრილი სამხედროები - ბოლო ცნობები უკრაინიდან

ლუგანსკში სროლა გრძელდება - უკრაინული მედიის ინფორმაციით, რუსეთის საოკუპაციო ძალებმა ცეცხლის შეწყვეტის შეთანხმება, ბოლო 24 საათში, 74-ჯერ დაარღვიეს. დაიჭრა ერთი სამხედრო, რომელიც საავადმყოფოში მოათავსეს. ცეცხლის გახსნის შედეგად დაზიანდა ერთი საცხოვრებელი სახლი.

უკრაინული მხარე, რუსეთის პროვოკაციებსა და კიევის დადანაშაულების მიზნით, პროპაგანდისტული მეთოდების გამოყენებაზე მიუთითებს. რუსული მედია კი ლუგანსკის თვითგამოცხადებული ე.წ. რესპუბლიკის წარმომადგენლებზე დაყრდნობით, უკრაინის ძალების მიერ ლუგანსკში ცეცხლის გახსნისა და შედეგად ორი მოქალაქის გარდაცვალების შესახებ ავრცელებს ინფორმაციას.