"იმდენად დაკავებული ვიყავი ჩინეთზე, რუსეთზე, ირანზე მუშაობით, მასკზე არ მიფიქრია... ჩვენ მისთვის სუბსიდიების შეჩერების საკითხს განვიხილავთ" - ტრამპი

ამერიკის შეერთებული შტატების პრეზიდენტის, დონალდ ტრამპისა და ილონ მასკის დაპირისპირება - ღია კონფრონტაციის შემდეგ, ტრამპი მასკს წარმატებებს უსურვებს, თუმცა აქვე საუბრობს "ტესლასთვის" სახელმწიფო სუბსიდიების შეჩერების საკითხზე.

აშშ-ის პრეზიდენტი ამბობს, რომ გადაწყვეტილება სახელმწიფო ინტერესებით მიიღება.

"სიმართლე გითხრათ, იმდენად დაკავებული ვიყავი ჩინეთზე, რუსეთზე, ირანზე მუშაობით, ამდენ საკითხზე ერთდროულად ფიქრით, რომ მასკზე არ მიფიქრია. მე მას წარმატებას ვუსურვებ. ილონ მასკს ბევრი ფული აქვს - ის უამრავ სუბსიდიას იღებს სახელმწიფოსგან. ასე რომ, ჩვენ მისთვის სუბსიდიების შეჩერების საკითხს განვიხილავთ, ოღონდ მხოლოდ იმ შემთხვევაში, თუ ეს სამართლიანი იქნება. სამართლიანი უნდა იყოს როგორც მისთვის, ასევე ქვეყნისთვის," - განაცხადა დონალდ ტრამპმა.