ფრედი მერკურის ქალიშვილი ჰყავს - Daily Mail

 Queen-ის ლეგენდარულ ვოკალისტს ფრედი მერკურის ქალიშვილის ჰყავს - წერს Daily Mail-ი მომღერლის შესახებ ახალ წიგნზე დაყრდნობით.

ნამუშევარი სახელწოდებით „სიყვარულით, ფრედი“ ბიოგრაფმა ლესლი-ენ ჯონსმა მოამზადა. მისი მონაცემებით, 1970-იანი წლების ბოლოს მერკურის მეგობრის ცოლთან ჰქონდა რომანი, რის შედეგადაც მას ქალიშვილი გაუჩნდა. წიგნში აღნიშნულია, რომ ეს ისტორია მხოლოდ რამდენიმე ადამიანმა იცოდა, მათ შორის მერი ოსტინმა - მუსიკოსის საცოლემ.

მერკურის სავარაუდო ქალიშვილი 48 წლისაა, ევროპაში ცხოვრობს, სამედიცინო სფეროში მუშაობს, მას ჰყავს შვილი. ქალი ჰყვება, რომ ბავშვობიდან იცოდა საკუთარი მამის ვინაობა, იმის მიუხედავად, რომ სხვა ოჯახში იზრდებოდა. ბიოგრაფიაში მისი წერილიც არის მოყვანილი, რომელშიც აღნიშნულია, რომ მერკური „გიჟდებოდა“ შვილზე და ზრუნავდა მასზე.

წიგნი გაყიდვაში 2025 წელს გამოვა.

ფრედი მერკური 1991 წლის 24 ნოემბერს გარდაიცვალა. ოფიციალური მონაცემებით, მას შვილები არ ჰყავს.