ნუნუკა სუხიაშვილი
1746192180
„ის რაც აქამდე არ გინახავთ“ - ედ შირანმა ძველ სმარტფონში ნაპოვნი ფოტოები გამოაქვეყნა
მომღერალმა, ედ შირანმა Instagram-ზე ახალი გვერდი Teddysoldphone, შექმნა, სადაც ძველ სმარტფონში ნაპოვნ ფოტოებს აქვეყნებს. როგორც ჩანს, ედის ობიექტივში არაერთი ცნობადი სახე მოხვდა და მათ შორის, ახალგაზრდა ტეილორ სვიფტი, ოსკარის დაჯილდოების ვარსკვლავები, მაკ მილერი, სელენა გომესის საქმრო ბენი ბლანკო და სხვები. ნახეთ ფოტოები:
1746179552
2010 წელს პენსილვანიის ერთ-ერთ სასწავლებელში 15 წლის ბლეიკ რობინს სხვა 2 ათას მოსწავლესთან ერთად სკოლამ ლეპტოპი გადასცა. სკოლის ადმინისტრაციამ განაცხადა, რომ ამ ქმედების მიზანი იყო მოსწავლეებს სასწავლებლის რესურსებზე სრული ხელმისაწვდომობა ჰქონოდა. მაშინ ბლეიკი ვერც კი წარმოიდგენდა, რომ ეს ერთი შეხედვით უმნიშვნელო ამბავი მის ცხოვრებას სამუდამოდ შეცვლიდა. ამ ამბიდან მალევე რობინს სკოლის ადმინისტრაციიდან დაურეკეს და ის ნარკოტიკებით ვაჭრობაში დაადანაშაულეს. ნივთმტკიცებად მათ რობინის ოთახში გადაღებული ფოტოები წარმოადგინეს, რომელიც ლეპტოპის კამერით იყო გადაღებული.ამ ამბის შემდეგ გაჩნდა ეჭვი, რომ კომპიუტერებში სპეციალური პროგრამა იყო ჩაინსტალირებული, რომელიც მოსწავლეების ქმედებებს აკონტროლებდა, ასევე ამბობდნენ, რომ ლეპტოპი ყოველ 15 წუთში ფოტოებს იღებდა. რობინის ოჯახმა სკოლას უჩივლა. სკოლამ აღიარა, რომ ლეპტოპებში უსაფრთხოების სპეციალური პროგრამა იყო ჩაყენებული.სკოლის ადმინისტრაციის განცხადებით, ლეპტოპებში არსებული პროგრამა, რომელიც ფოტოებს ყოველ 15 წუთში ერთხელ იღებდა, იმიტომ ჩააყენეს რომ კომპიუტერის დაკარგვის ან მოპარვის შემთხვევაში მისი აღმოჩენა გამარტივებულიყო.რობინის ოჯახმა კომპენსაცის სახით 610,000 დოლარი მიიღო. ეს ამბავი საფუძვლად დაედო ნეტლიქსის სერიალს, სახელწოდებით „Spy High".
1746116682
ჩერნობილში მიწის დამუშავება და მოსავლის მოყვანა უსაფრთხოა - კვლევა
ათწლეულების განმავლობაში მიიჩნეოდა, რომ ჩრდილოეთ უკრაინაში, ჩერნობილში, ათასობით ჰექტარი მიწა საფრთხის შემცველი იყო. შესაბამისად, ამ დროის განმავლობაში ტერიტორიას არ ამუშავებდნენ. მეცნიერებმა ახალი კვლევა ჩაატარეს და ცდილობენ დაამტკიცონ, რომ ეს მიწა მოსავლის მოსაყვანად უსაფრთხოა.კვლევა ინგლისის პორტსმაუთის უნივერსიტეტისა და უკრაინის აგრარული რადიოლოგიის ინსტიტუტის მეცნიერებმა ჩაატარეს. მათ ახალი მეთოდები შეიმუშავეს, რათა 1986 წლის ბირთვული კატასტროფის შემდეგ მიტოვებული ტერიტორია ახლიდან შეეფასებინათ.რადიოაქტიური დაბინძურების გამო ჩერნობილის მიწების გამოყენება ათწლეულების განმავლობაში ოფიციალურად იყო აკრძალული. კატასტროფის შემდეგ ჩრდილოეთ უკრაინის დიდი ტერიტორია სოფლის მეურნეობისთვის არახელსაყრელად გამოაცხადეს. ბირთვული რეაქტორის ირგვლივ 4 200 კმ2 "ჩერნობილის აკრძალული ზონაა" და დღემდე მიტოვებულია. ის ევროპის ერთ-ერთი უდიდესი ბუნებრივი ნაკრძალია.არსებობს სხვა, 2 200 კმ2-იანი, ტერიტორიაც, რომელსაც "სავალდებულო გადასახლების ზონა" ჰქვია. ეს ადგილი მიტოვებული არაა — ხალხი კვლავაც ცხოვრობს, სკოლები და მაღაზიები ფუნქციონირებს. მიუხედავად ამისა, მიწების გამოყენება ან ინვესტირება ოფიციალურად აკრძალულია.ტერიტორია ცეზიუმითა და სტრონციუმით არის დაბინძურებული. მიუხედავად ამისა, 1990-იანი წლებიდან უკრაინისა და სხვა ქვეყნების მეცნიერები ამტკიცებდნენ, რომ მიწა შეიძლება დასამუშავებლად უსაფრთხო იყოს. ჩერნობილი ოფიციალურად მიტოვებული დარჩა, თუმცა ზოგიერთმა ფერმერმა მოსავლის მოყვანა მაინც გადაწყვიტა. ახალი კვლევა აჩვენებს, რომ ქალაქის უდიდესი ნაწილის დამუშავება უსაფრთხოა.კვლევის ფარგლებში ჟიტომირის ოლქში საცდელად 100 ჰექტარი მიწა შეაფასეს. მეცნიერმა ნიადაგში დაბინძურების დონე მარტივი პროტოკოლით განსაზღვრეს, რომელიც თავადვე შექმნეს. ასევე დაადგინეს, რამდენად შეიწოვს რადიოაქტიურ ნივთიერებებს მცენარეები, მათ შორის: კარტოფილი, მარცვლეული, სიმინდი და მზესუმზირა.ნიადაგის ნიმუშების ანალიზით გაზომეს გარე გამა გამოსხივებაც. დადასტურდა, რომ სოფლის მეურნეობის მიმდევრები იმაზე გაცილებით დაბალი დოზის დასხივებას იღებენ, ვიდრე უკრაინის უსაფრთხოების ზღვარია. იგი ასევე მცირეა იმ გამოსხივებასთან შედარებით, რომელიც მთელი მსოფლიოს გარშემო ბუნებრივად გვხვდება. კვლევამ აჩვენა, რომ მრავალი ტიპის მოსავლის მოყვანა შეიძლება იმ ტერიტორიებზე, რომლებიც ადრე აიკრძალა; თავისთავად, ეს უკრაინის კვების უსაფრთხოების წესების დაცვით."ეს კვლევა იმ ადამიანებისთვის ძალიან მნიშვნელოვანია, რომლებიც ჩერნობილის კატასტროფამ დააზარალა. 1986 წლიდან ჩერნობილთან დაკავშირებული გამოსხივების რისკებზე ბევრი ცრუ ინფორმაცია ვრცელდებოდა. ეს მიტოვებულ ტერიტორიებზე მცხოვრებ ხალხზე უარყოფითად აისახა. ახლა უკვე მეცნიერულად დადასტურდა, რომ მიწების მოხმარება მოსახლეობისთვისა და მიწის დამმუშავებელი მუშებისთვის უსაფრთხოა", — აცხადებს კვლევის ავტორი, პროფესორი ჯიმ სმიტი.მკვლევრები იმედოვნებენ, რომ ნაშრომი რადიოაქტიური დაბინძურების წინააღმდეგ ბრძოლას სხვა ტერიტორიებზეც გაამარტივებს. მათი აზრით, სწორი მიდგომითა და მოსახლეობის ჩართულობით უკრაინას შეუძლია, დაახლოებით 20 ათასი ჰექტარი სასოფლო-სამეურნეო მიწა დაიბრუნოს."ეს მხოლოდ ჩერნობილს არ ეხება", — დასძინა პროფესორმა სმიტმა — "ეს ნიშნავს მეცნიერებისა და ფაქტების გამოყენებას იმისთვის, რომ ადამიანები დავიცვათ და ის მიწა არ დავკარგოთ, რომლის გამოყენებაც რეალურად უსაფრთხოა".
1746103680
ასაკში ტექნოლოგიების გამოყენება დემენციის რისკებს ამცირებს - კვლევა
თუ თქვენი ბებია-ბაბუებიც მიეჯაჭვნენ ტელეფონებს, ამაზე შეგიძლიათ აღარ ინერვიულოთ. კი წუხან იმაზე, რომ ტექნოლოგიები ჩვენს კოგნიტიურ უნარებზე უარყოფითად მოქმედებს, მაგრამ ახალი კვლევა ამის საპირისპიროში გვარწმუნებს და გვეუბნება, რომ ასაკში ტექნოლოგიების გამოყენება დემენციის რისკებს ამცირებს.მეცნიერებმა მანამდე ჩატარებული 57 კვლევა შეისწავლეს და ასე 411 000 ადამიანი მოიცვეს, რომელთა ასაკი 50 წელს აღემატებოდა. შემდეგ კი დააკვირდნენ კავშირებს ციფრულ ტექნოლოგიურ ჩვევებსა და დემენციას შორის.„ნებისმიერ დღეს ახალ ამბებში რომ ჩაიხედოთ, წააწყდებით ადამიანებს, რომლებიც ტექნოლოგიების გამოყენების ზიანზე საუბრობენ. ხშირად ამბობენ ტერმინს ტვინის გამოფიტვა, ახლა კი წინ ციფრულმა დემენციამ წამოიწია. როგორც მკვლევრებს, გვინდოდა, გაგვეგო, სიმართლე იყო თუ არა ეს“, — განმარტავს ფსიქოლოგი და ნეირომეცნიერი მაიკ შულინი.სტატისტიკამ აჩვენა, რომ ტექნოლოგიების გამოყენება კოგნიტიური დაქვეითების რისკების 58%-იან შემცირებას უკავშირდება. ამას გარდა, ტექნოლოგიების მოყვარულმა მომხმარებლებმა დროთა განმავლობაში კოგნიტიური დაქვეითების 26-34%-ით დაბალი მაჩვენებელი შემოგვთავაზეს.მნიშვნელოვანია, აღვნიშნოთ, რომ ეს არ არის კვლევის ის ტიპი, რომელიც პირდაპირ მიზეზ-შედეგობრივ პასუხებს შემოგვთავაზებს. თითოეული კვლევისას განსხვავებული მიდგომები გამოიყენეს და ტექნოლოგიების გამოყენებაც სხვადასხვანაირად გაზომეს: ზოგიერთი სმარტფონის გამოყენებას აკვირდებოდა, ზოგიც სოციალური მედიის. თუმცა, რისკების შემცირება კვლავ აქტუალური იყო მაშინაც კი, როცა ისეთი ფაქტორები დააკორექტირეს, როგორებიცაა დასაქმება, განათლება და სოციოეკონომიკური სტატუსი. გამოდის, კავშირი ნამდვილად არსებობს, რაც სამომავლო კვლევების საგანიც კი შეიძლება, გახდეს.„ჩვენი მონაცემები აჩვენებს, რომ ასაკოვან ადამიანებს ტექნოლოგიების გამოყენებისკენ უნდა მოვუწოდოთ, განსაკუთრებით იმ გზებით, რომლებიც მათ ეხმარებათ კოგნიტიურ პრობლემებთან გამკლავებაში“, — აცხადებს ნეიროფსიქოლოგი ჯარედ ბენჯი.ტექნოლოგიების გამოყენებამ რამდენიმე გზით შეიძლება დაგვიცვას კოგნიტიური დაქვეითებისა თუ დემენციისგან:ტვინის სტიმულირებაში შეიძლება, დაგვეხმაროს, განსაკუთრებით მაშინ, როცა საქმე ახალი მოწყობილობებისა და აპლიკაციების გამოყენების სწავლას ეხება. სოციალური მედია და ვიდეოზარები კავშირების შენარჩუნებაში გვეხმარება. უკვე კარგად ვიცით, რომ მარტოობა დემენციის განვითარების რისკებს ზრდის, სოციალური კავშირების შენარჩუნება კი აქ ერთ-ერთი გამოსავალია.არსებობს იდეაც, რომელიც გვეუბნება, რომ ტექნოლოგია მენტალური უნარების შენარჩუნებას უწყობს ხელს და ხანდაზმულებს მეტად დამოუკიდებელს ხდის დიდი ხნის მანძილზე. მაგალითისთვის, ეს მაშინ ხდება, როცა აპლიკაციები მათ მედიკამენტებსა და სამედიცინო ვიზიტებს შეახსენებს.საკმაოდ კომპლექსური საკითხი კი არის, მაგრამ კვლევაც ფართომასშტაბიანია და იმის თქმის საფუძველს ნამდვილად გვაძლევს, რომ ასაკში შესვლასთან ერთად ტექნოლოგიების გამოყენება ძალიან დაგვეხმარება. ამიტომაც, მეცნიერები გვირჩევენ, მშობლებს, ბებიებსა თუ ბაბუებს მოთმინებით ვასწავლოთ ფოტოების გადაღება/ატვირთვა, შეტყობინებების გაგზავნა და კალენდარში ექიმთან ვიზიტების ჩანიშვნა…
1746099780
ასტროლოგები 2025 წლის მაისს დიდი ცვლილებებისა და ტრანსფორმაციის პერიოდს უწოდებენ. ბევრი ადამიანი სწორედ ამ თვეში ცხოვრების ერთ ეტაპს საბოლოოდ დახურავს და განახლებულ თავს დაიწყებს. ეს არის დრო, როდესაც თითოეული ჩვენგანი შინაგან შიშებსა და კომპლექსებზე კიდევ ერთხელ დაფიქრდება, გადააფასებს ურთიერთობებს და საბოლოო გადაწყვეტილებებს მიიღებს.ზოდიაქოს ერთი ნიშნისთვის კი 2025 წლის მაისი განსაკუთრებით მნიშვნელოვანი იქნება. კერძოდ, ლომის ნიშნის წარმომადგენლებს ექნებათ შესაძლებლობა, საბოლოოდ დაასრულონ ის, რაც თვეების ან წლების წინ დაიწყეს.1-ელი მაისიდან სიყვარულისა და სილამაზის პლანეტა, ვენერა, იწყებს მოგზაურობას ლომის მეცხრე სახლის გავლით. ეს ტრანზიტი 7 ივნისამდე გაგრძელდება. როგორც ასტროლოგები ამბობენ, აღნიშნული პერიოდი მოგზაურობისთვის, შემეცნებისთვის, ფიზიკური და სულიერი ტრანსფორმაციისთვის შესანიშნავია. შესაძლოა, ამ პერიოდმა სხვა კულტურის წარმომადგენელ ადამიანთან გაცნობა, იურიდიული გამარჯვება ან საინტერესო საგანმანათლებლო პროექტი მოგიტანოთ. ასევე, შესაძლოა, შეხვდეთ ადამიანს, რომელსაც დიდი ხანია, ელოდებით, აღმოჩნდეთ საინტერესო წრეში და საკუთარი შესაძლებლობების სრულად გამოვლენა შეძლოთ.4 მაისიდან პლუტონი, ტრანსფორმაციის პლანეტა, რეტროგრადულ მოძრაობას მეშვიდე სახლში იწყებს. ეს კი ნიშნავს, რომ შესაძლოა, როგორც პირად, ასევე საქმიან ურთიერთობებში მნიშვნელოვანი ცვლილებები შეგხვდეთ და სასიამოვნო სიახლეებმა გაგახაროთ... ვრცლად
1746096931
ხელი „ადამსების ოჯახიდან“ რეალობა გახდა
თუ გაინტერესებთ, როგორი იქნება მომავალი, პასუხს რობოტიკის კომპანია Open Bionics გაგცემთ - Hero PRO წარადგინა, პირველი უსადენო ბიონიკური ხელის მტევანი ამპუტირებული კიდურების მქონე პირებისთვის. ასე კი მათ კონტროლის, მოძრაობისა თუ დამოუკიდებლობის სრულიად ახალი დონე შესთავაზა, ინვაზიური ოპერაციებისა და იმპლანტირებადი ჩიპების გარეშე. ჩაშენებული აპარატურის ნაცვლად, Hero PRO MyoPods-ს იყენებს - უსადენო ელექტრომიოგრაფიის (EMG) სენსორებს, რომლებიც კუნთების სიგნალებს მომხმარებლის ხელიდან კითხულობს. შემდგომში ეს სიგნალები ხელისა და მაჯის ზუსტ მოძრაობებად გარდაიქმნება, რაც მფლობელს უფრო ინტუიციურად აძლევს მოჭიდების, მოხრის, ბრუნვისა თუ სხვა ქმედებების საშუალებას. მაჯის არე 360 გრადუსით ბრუნავს, წყალგაუმტარია IPX7-ის სტანდარტის შესაბამისად და საკმარისად მსუბუქია - სწორედ ეს მახასიათებლები გამოარჩევს მანამდე არსებული პროთეზებისგან. ბიონიკური ხელის მტევნის ერთ-ერთი ყველაზე თვალშისაცემი დეტალი მისი დამოუკიდებლად ფუნქციონირებაა, ანუ მაშინ, როცა მფლობელს ხელზე არ აქვს დამაგრებული, რითაც Thing-საც გვაგონებს „ადამსების ოჯახიდან“… ამაში კი 19 წლის ინფლუენსერი ტილი ლოქი თქვენც დაგარწმუნებთ: 3D ტექნიკით მიღებული სტრუქტურის გამოყენებით შექმნილი Hero PRO შესამჩნევად სწრაფი და ძლიერია, რასაც ვერ ვიტყვით მანამდე არსებულ ბიონიკურ მკლავებზე. თუ Open Bionics-ს დავუჯერებთ, ორჯერ უფრო ძლიერი და სწრაფია, სხვა წამყვან მოდელებთან შედარებით. წყალგაუმტარი დიზაინი კი დამცავი საფარის საჭიროებას გამორიცხავს ხელის დაბანის, ცურვის ან სხვა მსგავსი აქტივობების დროს, რაც მომხმარებლებს მეტ თავისუფლებას სთავაზობს დამატებითი სირთულეების გარეშე.რა თქმა უნდა, Hero PRO ერთ დღეში არ შექმნილა, ამას 4 წელი და 2.5 მილიონი დასჭირდა კვლევებისა თუ სატესტო მოდელებისთვის. მართალია, დიზაინი ახალია, მაგრამ მისია იგივე რჩება - გააუმჯობესოს ყოველდღიური ცხოვრება ტექნოლოგიების საშუალებით…
1746048126
44 წლის ლაურენს პოლ ანდერსონის მიერ ჩადენილმა სასტიკმა დანაშაულმა მსოფლიო შეძრა. ინფორმაციას უცხოური მედია ავრცელებს. ლაურენსმა 41 წლის ქალი, სახელად ანდრეა მოკლა. შემდეგ ქალს გული ამოაცალა და კარტოფილთან ერთად მოხარშა. როგორც ლაურენსმა განაცხადა, უნდოდა მომზადებული „კერძით" ოჯახი გამოეკვება და „დემონები გამოენთავისუფლებინა". თუმცა ის მხოლოდ ამას არ დასჯერებია. ანდერსონი მოგვიანებით საკუთარ ბიძასა და 4 წლის ბიძაშვილს დაესხა თავს. ლაურენსი პოლიციამ დააკავა.
1746048112
ზოდიაქოს 5 ნიშანი, რომლებსაც სიახლეები არ უყვართ
ფიქრობთ რომ ტრადიციების მიმდევარი ადამიანი ხართ? - ის რომ ტრადიციების მოყვარული ხართ, ეს არ არის ცუდი და არ ნიშნავს, რომ მოსაწყენი ხართ. ვნახოთ, რას ამბობენ ასტროლოგები. რომელია ტრადიციების მოყვარული 5 ზოდიაქოს ნიშანი, რომლებსაც არ უყვართ სიახლეები.1. თხის რქა - როგორც იცით, თხის რქები შრომისმოყვარე ნატურით გამოირჩევიან, რომლებიც ცხოვრობენ გეგმის მიხედვით. მათ არ უყვართ სიახლეები და ჰგონიათ, რომ სიახლეების დანერგვით მათ საქმეს ხელი შეეშლება. მოსწონთ, როცა მისდევენ ტრადიციებს, იყენებენ გამოცდილ მეთოდებს და ცხოვრობენ ძველი წესების შესაბამისად.2. კირჩხიბი - ზოდიაქოს ამ ნიშნის ადამიანებს ხიბლავთ ყველაფერი ძველი. ძველებური მოდა, მუსიკა, სახლის დიზაინის შერჩევის დროსაც კი ძველებურ სტილს ანიჭებენ უპირატესობას. მოსწონთ ბებიების წესები, ცდილობენ ამ წესების შენარჩუნებას და თაობებისთვის გადაცემას. მათთვის წინაპრების ცხოვრების წესი მთავარი ღირებულებაა. კირჩხიბებს აქვთ, როგორც წესი, შესანიშნავი იდეები, მაგრამ ხშირ შემთხვევაში, ვერ ახორციელებენ მათ, რადგანაც აშინებთ სიახლეები.3. კურო - ზოდიაქოს ამ ნიშნის ადამიანები ტრადიციების მკაცრად დამცველები არიან და ამავდროულად, სხვებისგანაც ითხოვენ ტრადიციების დაცვას. არ უყვართ ადამიანები, რომლებიც ცდილობენ ცხოვრების ძველებურ მეთოდებს გადაუხვიონ და სიახლეები შეიტანონ. კუროსთვის ოჯახი ყველაზე მნიშვნელოვანია. მას სჯერა, რომ სწორად ცხოვრობს და რომც ცდებოდეს, ჯიუტ კუროს აზრს ვერავინ შეაცვლევინებს.4. ქალწული - ზოდიაქოს ამ ნიშნის ადამიანები თავს კომფორტულად გრძნობენ იმ ადამიანების გარემოცვაში, რომლებთანაც საერთო ტრადიციული ღირებულებები აკავშირებთ. მათ საკუთარი წესები აქვთ და ცდილობენ, რომ დაიცვან ისინი. მათთვის ტრადიციების დაცვა ერთ-ერთი მთავარი ღირებულებაა და ცდილობენ ბოლომდე შეინარჩუნონ ოჯახის ღირებულებები.5. ლომი - ზოდიაქოს ამ ნიშნის ადამიანები, როგორც წესი, საუკეთესო ლიდერები არიან, შეუძლიათ ხალხის მართვა და თან ამას ისე გააკეთებენ, რომ არ დაარღვევენ ლიდერობის ტრადიციულ მეთოდებს. ლომს აქვს საოცარი კავშირი ოჯახის წევრებთან. მოსწონს ურთიერთობა ადამიანებთან, რომლებიც ოჯახსა და ოჯახის ტრადიციებს პატივს სცემენ.
1746048096
ქმრის ინტიმურ კავშირს საყვარელთან ფარული კამერით იღებდა და ვიდეოებს ინტერნეტსივრცეში აქვეყნებდა
ჩინეთში მცხოვრები ქალი ქმრის ინტიმურ კავშირს საყვარელთან ფარული კამერით იღებდა და ვიდეოებს ინტერნეტსივრცეში აქვეყნებდა. ინფორმაციას ამის შესახებ South China Morning Post აქვეყნებს. 2023 წლის აგვისტოში ქალმა, გვარად ვანგმა იმ ადგილას, სადაც ის ცოლიან კაცს ხვდებოდა, ფარული კამერა აღმოაჩინა. როგორც მოგვიანებით გაირკვა, მამაკაცის მეუღლემ, გვარად ლითმა ნათესავების დახმარებით სახლში კამერა დაამონტაჟა.ის ქმრისა და საყვარლის ინტიმურ კავშირს იღებდა და ვიდეოებს ინტერნეტსივრცეში აქვეყნებდა.ამ ამბის გაგების შემდეგ ვანგმა ლის სასამართლოში უჩივლა და ჩანაწერების წაშლა მოითხოვა. სასამართლოს გადაწყვეტილება ასეთი იყო - მოსამართლემ განაცხადა, რომ ლიმ ვანგის უფლებები დაარღვია და ინტიმური ჩანაწერების წაშლა მოითხოვა.სასამართლომ ვანგს კომპენსაციის მიღებაზე უარი უთხრა, რადგან ის არაკეთილსინდისიერად მოიქცა და დაქორწინებულ მამაკაცთან შეგნებულად დაამყარა კავშირი. .
1746048080
რა ხდება თქვენს ქვეცნობიერში სწორედ ახლა - ვიზუალურ-ფსიქოლოგიური ტესტი
ფსიქოლოგიური ტესტების დანიშნულებაა, აღმოაჩინოს ის, რასაც ქვეცნობიერში ვმალავთ. ტესტის მეშვეობით ანალიზი უკეთდება ჩვენი ცხოვრების უმნიშვნელო დეტალებსაც კი, რაც შესაძლოა ყოველთვის სასიამოვნო არ იყოს.ქვემოთ გთავაზობთ ვიზუალურ ტესტს, რომელიც სწრაფად და მარტივად გააშიშვლებს იმას, რასაც თქვენი ქვეცნობიერი ამ მომენტში ფარავს და იმასაც გეტყვით, რა შეიძლება შეიცვალოს თქვენ ცხოვრებაში.ტესტის მეშვეობით ანალიზი უკეთდება ჩვენი ცხოვრების უმნიშვნელო დეტალებსაც კი, რაც შესაძლოა ყოველთვის სასიამოვნო არ იყოს.თუ დაინახეთ თავის ქალაეს იმას ნიშნავს, რომ წინ ახალი გამოწვევები და ბედის სიურპროზები გელით. თქვენ მეტი უნდა იზრუნოთ მატერიალურზე, ვინაიდან ადამიანის სხეული - ეს მატერიაა. თქვენთვის მნიშვნელოვანია ცხოვრების აზრის ქონა, ამიტომ ხშირად ხართ მისი ძიების პროცესში. სხვათა შორის, ეს ძიება ბედნიერებას განიჭებთ, რაც მართლაც მისაბაძი თვისებაა.გაქვთ ერთგვარი ლიდერული „ძარღვი“. ამიტომ თუ მონიშნულ გზას მიჰყვებით, ბევრს მიაღწევთ.თქვენი იდეები გეხმარებათ შინაგანი პოტენციალის გახსნაში. ხართ ინტელექტუალურად განვითარებული და საინტერესო ადამიანი.თუ დაინახეთ შიშველი ქალიეს გადაღლილობაზე მიანიშნებს. თქვენ ახლა რთული ცხოვრებისეული არჩევანის წინაშე დგახართ. ნაკლებად ინერვიულეთ ისეთ თემებზე, რომლებიც თქვენს ყურადღებას არ იმსახურებს. მეტი დაისვენეთ და დატკბით ცხოვრებით, ისწავლეთ დროზე შეცერება და მოდუნება.შესაძლოა სწორედ ახლა თქვენ გვერდით ტოქსიკური ადამიანები ტრიალებენ, რომლებიც პოზიტიურ ენერგიას გაცლიან. სწორედ ეს გიშლით ხელს სრულფასოვან ქმედებებსა და მიზნების მიღწევაში.დროა, შეიცვალოთ გარემოცვა, იურთიერთოთ წარმატებულ და პოზიტიურ ადამიანებთან, რომლებიც ბედნიერებითა და სიხარულით აღგავსებენ. არ ღირს, შეიცვალოთ სხვების გამო, დარჩით ისეთი, როგორიც ხართ. შეიყვარეთ და გაანებივრეთ საკუთარი პერსონა. შემოქმედებითი ადამიანი ხარ და გამოიყენეთ საკუთარი ნიჭი სიკეთისთვის. აკეთეთ ის, რაც მოგწონთ.
1746048064
რატომ ვეხმარებით ზოგ ადამიანს და სხვებს არა - მეცნიერებმა კვლევა ჩაატარეს
თელ-ავივის უნივერსიტეტში მომუშავე ინბალ ბარტალმა და მისმა კოლეგებმა კვლევა ჩაატარეს. ვირთხებზე დაკვირვებით ისინი ცდილობდნენ გაეგოთ, რატომ არის ზოგი ინდივიდი სხვების გასაჭირის მიმართ უფრო მგრძნობიარე და როგორ გვიბიძგებს ეს მგრძნობელობა მათ დასახმარებლად.მეცნიერები ადრე შემუშავებული სავარჯიშოს გამოყენებით ვირთხების ქცევასა და ტვინის აქტივობას დააკვირდნენ. მღრღნელებს კვლევის ფარგლებში შეეძლოთ, პატარა გალიაში გამოკეტილი თანამოძმე გაეთავისუფლებინათ.კვლევამ აჩვენა, რომ ვირთხები უფრო ხშირად მათ ეხმარებოდნენ, ვისთანაც მანამდე დადებითი სოციალური გამოცდილება ჰქონდათ. ასევე, მეტად მგრძნობიარე მღრღნელების ტვინში აქტიური იყო ის უბნები, რომლებიც ემპათიასა და მოტივაციასთანაა დაკავშირებულ. ეს აქტივობა სხვების დახმარებისკენ ნაკლებად მიდრეკილ ვირთხებში შედარებით დაბალი იყო.მეცნიერებმა აღმოაჩინეს, რომ "დამხმარე" ვირთხებს ტვინის იმ უბანში, რომელიც მოტივაციაზეა პასუხისმგებელი, ჰორმონ ოქსიტოცინის უფრო მაღალი დონე ჰქონდათ. ავტორების თქმით, სხვებზე ზრუნვა დახმარების გაწევისთვის მთავარი მოტივაციაა.როდესაც მკვლევრებმა ოქსიტოცინის მოქმედება შეაფერხეს, ვირთხები სხვების მიმართ ნაკლებად მეგობრულად იქცეოდნენ. ეს იმაზე მიუთითებს, რომ ჰორმონი, შესაძლოა, დახმარების სურვილს იმითაც აძლიერებს, რომ ვირთხებს შორის კავშირს ქმნის.„ჩვენ პოლარიზებულ საზოგადოებაში ვცხოვრობთ, სადაც თანაგრძნობის დეფიციტია. ეს კვლევა საშუალებას გვაძლევს მივხვდეთ, რატომ ვეხმარებით ზოგიერთებს და სხვებს არა. იმის გათვალისწინებით, რომ ვირთხებისა და ადამიანების ტვინს მსგავსად ფუნქციონირება ახასიათებს, შეგვიძლია უკეთ გავიგოთ, როგორ მოქმედებს ტვინი დახმარების გაწევის გადაწყვეტილების მიღებისას", — ამბობს ინბალ ბარტალი.
1746048002
ქორწილამდე 2 დღე იყო დარჩენილი, როდესაც პოლიციამ მოლი უოტსონის ცხედარი იპოვა. ეს 2018 წლის აპრილში მოხდა. ინფორმაციას უცხოური მედია ავრცელებს. უოტსონს სასიკვდილო ჭრილობა თავის უკანა ნაწილში ცეცხლსასროლი იარაღიდან ჰქონდა მიყენებული.როდესაც მომხდარის შესახებ პოლიციამ უოტსონის საქმროს, ჯეიმს ედის აცნობა - საკმაოდ უცნაური რამ მოხდა. ოფიცრებს კარი ედის მეუღლემ, მელანიმ გაუღო. სწორედ მაშინ გამჟღავნდა ჯეიმს ედის საიდუმლო ცხოვრების ისტორია. ედი უოტსონს ეუბნებოდა, რომ მეუღლეს, მელანის დიდი ხნის წინ გაშორდა. მისივე თქმით, ქალი მოგვიანებით ავტოკატასტროფაში დაიღუპა. თუმცა, მელანი ცოცხალი იყო და მან უოტსონისა და მისი ქმრის რომანის შესახებ არაფერი იცოდა. ამის შესახებ მან მხოლოდ მაშინ გაიგო, როდესაც პოლიციამ მათი სახლის კარზე დააკაკუნა. ედი პოლიციამ დააკავა, მას თავისუფლების 20 წლით აღკვეთა მიუსაჯეს.
