პამელა ანდერსონმა კიტრის მწნილი გამოუშვა

ამერიკელმა მსახიობმა პამელა ანდერსონმა ბრენდთან Flamingo Estate თანამშრომლობით კიტრის მწნილის ლიმიტირებული სერია გამოუშვა - Pamela’s Pickles.

Variety-ს ცნობით, ერთი ქილა კიტრის ღირებულება 38 დოლარია. მოგება ველური ცხოველების დახმარების ფონდში California Wildlife Center გადაირიცხება.

ანდერსონის თქმით, მწნილის რეცეპტი მის ბებიას ეკუთვნის. მსახიობმა აღნიშნა, რომ მწნილები მის ოჯახში სუფრის განუყოფელი ნაწილი იყო. პამელამ რეცეპტს ვარდის ფურცლები დაუმატა, Flamingo Estate-ის მზარეულებმა კი ცხარე ვარდისფერი წიწაკა, შებოლილი ზღვის მარილი და სხვადასხვა სახეობის წიწაკა.