„გილოცავთ, მოვიგეთ! ეს იყო ერთდროულად პირველი თამაში ანასტასიასთვის და ილიასთვის!“ - ქეთი ხატიაშვილი (ფოტოები)

„ბორჯღალოსნების“ გამარჯვებას სოციალურ ქსელში, ცნობილი ტანმოვარჯიშე, დავით კაჭარავას მეუღლე, ქეთი ხატიაშვილი ეხმაურება. ქეთი პოსტს აქვეყნებს და ფოტოებსაც გვიზიარებს. „გილოცავთ, მოვიგეთ!!!

„ეს იყო ერთდროულად პირველი თამაში ანასტასიასთვის და ილიასთვის! დიახ, დიახ, ანასტასიაც პირველად დაესწრო რაგბის თამაშს. ამ დღის სამახსოვროდ ფასდაუდებელ 2 რაღაცას შევინახავთ, ეს არის ნაკრების ხელმოწერილი მაისური და სათამაშო რაგბის ბურთი, რომელიც ილიამ ცოტა შეჭამა,“ – წერს ქეთი ხატიაშვილი. ცნობისთვის, „ბორჯღალოსნებმა“ ამერიკელი „არწივები“ ანგარიშით 43:30 დაამარცხეს. გუნდებს შორის დაპირისპირება ბათუმში, „აჭარაბეთ არენა“-ზე მიმდინარეობდა. 15 ნოემბერს „ბორჯღალოსნები“ კანადას დაუპირისპირდებიან.