რუსთავში ავტომობილი დედასა და 2 მცირეწლოვან ბავშვს დაეჯახა

რუსთავში, ფანცულაიას ქუჩაზე ავტოსაგზაო შემთხვევა მოხდა.

მსუბუქი ავტომობილი ფეხით მოსიარულე ქალს დაეჯახა. 

30 წლამდე ქალს ხელში 7 თვის ჩვილი ეჭირა, ასევე, ახლდა 7 წლის ბავშვი.

ადგილზე მობილიზებული იყო სასწრაფო დახმარებისა და საპატრულო პოლიციის ჯგუფები.

არსებული ინფორმაციით პაციენტები, მოტეხილობებითა და დაბეჟილობებით, თავდაპირველად კლინიკა „რუსთავში“ შეიყვანეს, შემდეგ კი თბილისში, ინგოროყვას კლინიკაში გადაიყვანეს.

წყარო: „ინფო რუსთავი“