1775204481
საქართველოში 3 აპრილის დღის ბოლოდან 5 აპრილამდე მოსალოდნელია დროგამოშვებით ნალექი, ზოგან – ძლიერი, შესაძლებელია ელჭექი და ქარის გაძლიერება, – ამის შესახებ ინფორმაციას გარემოს ეროვნული სააგენტო ავრცელებს.
სინოპტიკოსების ცნობით, 5-6 აპრილს აღმოსავლეთ საქართველოში, მათ შორის თბილისში, იქროლებს დასავლეთის ძლიერი ქარი.
„მოსალოდნელმა ნალექებმა, შესაძლებელია, მდინარეებზე წყლის დონეების მნიშვნელოვანი მატება, მაღალმთიან რაიონებში ზვავების ფორმირება, ხოლო გორაკ-ბორცვიან და მთიან ზონებში მეწყრულ-ღვარცოფული პროცესების ჩასახვა-გააქტიურება გამოიწვიოს. საფრთხის დონე საშუალო“, – ნათქვამია გარემოს ეროვნული სააგენტოს ინფორამციაში.
