ცუგა „დიიმ“ აეროპორტში მარიხუანა აღმოაჩინა​

„საბაჟო გამშვებ პუნქტში ,,თბილისის აეროპორტი” სამსახურებრივი ძაღლის დახმარებით 500 გრამი ნაკორტიკული საშუალების - მარიხუანას შემოტანის ფაქტი აღიკვეთა“, - ამის შესახებ ინფორმაციას შემოსახველბის სამსახური ავრცელებს.

უწყების ცნობით, შემდგომი რეაგირების მიზნით,  საქმის მასალები საქართველოს შინაგან საქმეთა სამინისტროს ცენტრალური კრიმინალური პოლიციის დეპარტამენტს გადაეცა.

„საქართველოს მასშტაბით საბაჟო გამშვებ პუნქტებზე უსაფრთხოების კონტროლს კინოლოგ ოფიცრები და ნარკოტიკების/კონტრაბანდული თამბაქოს ნაწარმის ძებნა-აღმოჩენაზე სპეციალურად გაწვრთნილი 29 ძაღლი ახორციელებს“, - არნიშნულია შემოსავლების სამსახურის მიერ გავრცელებულ განცხადებაში.