ცნობილი რეჟისორი გარდაიცვალა

საქართველოს კინოაკადემია სამწუხარო ინფორმაცია ავრცელებს. 

„საქართველოს კინოაკადემია ღრმა მწუხარებას გამოთქვამს, საქართველოს კინოაკადემიის წევრის, რეჟისორის, სცენარისტის და პედაგოგის, ბატონი გენრი კავლელიშვილის გარდაცვალების გამო... 

„გენრი კავლელიშვილმა, 1972 წელს დაამთავრა კინემატოგრაფიის საკავშირო ინსტიტუტის კინო-ოპერატორის ფაკულტეტი, კინოსარეჟისორო ფაკულტეტი კი - 1977 წელს.

1962 წლიდან, საქართველოს ტელევიზიის შტატგარეშე ფოტოკორესპონდენტი იყო; 1972-1979წწ. ქ. მოსკოვში, საქართველოს ტელევიზიის კინოკორესპონდენტი; 1993-1999წწ. ტელეკომპანია "ნტვ კინო"-ს პროდიუსერი; 1999 წლიდან ტელე-კინო კომპანია "ჯორჯიას" პრეზიდენტი; პარალელურად ეწეოდა პედაგოგიურ მოღვაწეობას. დამდგმელი რეჟისორია ფილმების: "თუშეთის ფერები" (დოკუმენტური, 1973), "აფხაზეთი" (დოკუმენტური, 1977), "გაგრა-ბიჭვინთა" (დოკუმენტური, 1977), "მიწისქვეშა სასახლე"(დოკუმენტური, 1978), "ბზიფის ხეობა" (დოკუმენტური, 1981); სცენარის ავტორია ფილმების: "გაგრა-ბიჭვინთა“(დოკუმენტური, 1977), "მიწისქვეშა სასახლე" (დოკუმენტური, 1978), "ბზიფის ხეობა"(დოკუმენტური, 1981); დამდგმელი ოპერატორია ფილმების: "გაგრა-ბიჭვინთა“ (დოკუმენტური, 1977), "მიწისქვეშა სასახლე“ (დოკუმენტური, 1978), "ბზიფის ხეობა" (დოკუმენტური, 1981) და სხვ.; გადაღებულია ფილმებში: "ქალის ტვირთი“ (1957), "სხვისი შვილები“ (1958), "მამლუქი“(1958).

საქართველოს კინოაკადემია უსამძიმრებს ბატონი გენრი კავლელიშვილის ოჯახს, მეგობრებს, ახლობლებს, კოლეგებს, სტუდენტებს, ყველას, ვისთვისაც მისი გარდაცვალება, დიდი დანაკლისია...“, - წერია გავრცელებულ ინფორმაციაში.