ჯანდაცვის სამინისტრო კომპანია „ბორჯომთან“ დაკავშირებით განცხადებას ავრცელებს

ჯანდაცვის სამინისტრო კომპანია „ბორჯომთან“ დაკავშირებით განცხადებას ავრცელებს.

უწყების განცხადებით, საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტრო "IDS ბორჯომი საქართველოში" შექმნილი ვითარების დასტაბილურების მიზნით, პროცესებში აქტიურად ჩაერთო.

მათივე ცნობით, შრომის ინსპექციის სამსახურისა და ჯანდაცვის მინისტრის ბრძანებით დანიშნული მედიატორის ჩართულობით, კომპანიაში დასაქმებულებთან და დამსაქმებლებთან შეხვედრები გაიმართება, რათა მხარეებს შორის შეთანხმება შედგეს, მათი ინტერესები სრულად გათვალისწინებული იყოს და მინერალური წყლის ჩამომსხმელი ქარხნების სრულფასოვანი ფუნქციონირება აღდგეს.