GWP განცხადებას ავრცელებს - ხანძრის გამო ზოგიერთ რაიონს დღეს წყლის მიწოდება შეეზღუდება

დღეს, 4 სექტემბერს, დაბა წავკისში ხანძრის შედეგად კომპანია „ჯორჯიან უოთერ ენდ ფაუერის“ წავკისის სატუმბო სადგურს ავარიულად შეუწყდა ელექტროენერგიის მიწოდება.

„ჯორჯიან უოთერ ენდ ფაუერის“ ინფორმაციით, აღნიშნულთან დაკავშირებით, ამ დროისთვის წყალმომარაგება შეზღუდული აქვს დაბა კოჯორს, კიკეთს, ბეთანიას, კვესეთსა და სამადლოს.

„წყალმომარაგების აღდგენის შესახებ ინფორმაციას კომპანია დამატებით გაავრცელებს“, - ნათქვამია ინფორმაციაში.