გარდაბნის ავარიაში დაღუპული ძმების ვინაობა ცნობილია

გარდაბანში მომხდარი ავარიის შედეგად, გარდაცვლილთა რიცხვი 7-მდე გაიზარდა. ერთი დაშავებულის მდგომარეობა მძიმეა, ის კი კლინიკაშია გადაყვანილი.

როგორც გამოცემა „პრაიმტაიმს" ადგილობრივი უყვება, ავარიის შედეგად დაიღუპნენ ძმები - ჯალილ და საჰილ მასიმოვები.

„ავარია ჩემ სახლთან მოხდა. ჩემი მეზობლები იყვნენ. ყველა მათგანი კარგი, მოწესრიგებული ახალგაზრდა იყო. დიდი სიჩქარით მოძრაობდნენ და მაგიტომ მოხდა ასე. ყველა თითქმის ტოლები - 18 წლისები. ერთად ვარჯიშობდნენ. ერთი ბოქსს ასწავლიდა ჩემ შვილს. გარდაცვლილიდან 2 ძმანი იყვნენ",- უყვება „პრაიმტაიმს" ადგილობრივი.

@primetime.ge
გარდაბნის ავარიაში დაღუპული ძმების ვინაობა ცნობილია
♬ original sound - Prime Time • პრაიმ ტაიმი

გავრცელებული ინფორმაციით, BMW-ს მარკის ავტომობილის მძღოლმა საჭე ვერ დაიმორჩილა და ხეს შეეჯახა. მანქანას ცეცხლი გაუჩნდა.

შემთხვევის ადგილზე ექსპერტ-კრიმინალისტები მუშაობენ. ადგილზე იმყოფებიან ოჯახის წევრებიც.

მომხდართან დაკავშირებით, შინაგან საქმეთა სამინისტრომ გამოძიება სისხლის სამართლის კოდექსის 236-ე მუხლის მე-8 ნაწილით დაიწყო (ტრანსპორტის მოძრაობის უსაფრთხოების ან ექსპლუატაციის წესის დარღვევას მთვრალ მდგომარეობაში, რამაც გამოიწვია ორი ან მეტი ადამიანის სიცოცხლის მოსპობა).