ცნობილია, ჯაშუშობის ბრალდებით დაკავებული ახალგაზრდას ვინაობა

საქართველოს სახელმწიფო უსაფრთხოების სამსახურის მიერ ჯაშუშობის ბრალდებით დაკავებული პირი, 27 წლის ახალგორელი თამაზ გოლოევია.

სახელმწიფო უსაფრთხოების სამსახურმა გოლოევი 22 აპრილს დააკავა, ხოლო 23 აპრილს პროკურატურამ მას და კიდევ ორ პირს ოფიციალურად წარუდგინა ბრალდება.

საქმე აღძრულია საქართველოს სისხლის სამართლის კოდექსის 314-ე მუხლის პირველი ნაწილის საფუძველზე [ჯაშუშობა], რაც სასჯელის სახით 12 წლამდე თავისუფლების აღკვეთას ითვალისწინებს.