დააკავეს კაცი, რომელმაც 64 წლის ქალის გაუპატიურება სცადა - დაზარალებული საავადმყოფოში გადაიყვანეს

ხაშურში პოლიციამ დააკავა კაცი, რომელმაც 64 წლის ქალის გაუპატიურება სცადა.

როგორც ადგილობრივი მედია წერს, ნასვამ მდგომარეობაში მყოფმა კაცმა 64 წლის ქალის გაუპატიურება სცადა, შემდეგ კი, ფული და ტელეფონი წაართვა.

ქალს ექიმების დახმარება დასჭირდა და სასწრაფო-სამედიცინო დახმარების ბრიგადამ საავადმყოფოში გადაიყვანა.

შინაგან საქმეთა სამინისტროს ცნობით, ფაქტზე გამოძიება ძარცვისა და გაუპატიურების მცდელობის მუხლით მიმდინარეობს.