ონში ქალაქის გამწვანების აქცია გაიმართა

რაჭა-ლეჩხუმ ქვემო სვანეთის სახელმწიფო რწმუნებულის პირველმა მოადგილემ, ქრისტინა კობახიძემ, ონის მუნიციპალიტეტში ადგილობრივი ხელისუფლების წარმომადგენლებთან და წარმატებულ სპორტსმენებთან ერთად, საზოგადოებრივ სივრცეებში სხვადასხვა სახეობის დეკორატიული ნერგები დარგო და ქალაქის გამწვანების აქციაში მონაწილეობა მიიღო.

გამწვანების აქცია მუნიციპალიტეტის საგაზაფხულო ინფრასტრუქტურული სამუშაოების ფარგლებში, გამწვანების სამსახურის ჩართულობით განხორციელდა და მიზნად ისახავს ქალაქში მოწესრიგებული გარემოს შექმნას.