ონის მუნიციპალიტეტის მერმა პროექტ “ჩემი სოფლის დიალექტები“ გამარჯვებული მონაწილეები დააჯილდოვა

ონის მუნიციპალიტეტის მერმა დავით ლობჟანიძემ პროექტ “ჩემი სოფლის დიალექტები“ გამარჯვებული მონაწილეები დააჯილდოვა.

კონკურსში მონაწილეობდნენ ონის მუნიციპალიტეტის საჯარო სკოლების VI, VII, VIII, IX, X კლასების მოსწავლეები, სადაც ხუთმა საჯარო სკოლამ გაიმარჯვა, ხოლო ნამუშევრები ონის მუნიციპალიტეტის მერიის მიერ შერჩეულმა საკონკურსო კომისიამ და სოციალური ქსელის მომხმარებელმა მოწონებების მეშვეობით გამოავლინეს.

კონკურსის გამარჯვებული სკოლებია:

სსიპ ონის მუნიციპალიტეტის სოფელ გლოლის საჯარო სკოლა

პრეზენტაციით -„გლოლური დიალექტები“;

სსიპ ონის მუნიციპალიტეტის სოფელ უწერის საჯარო სკოლა

პრეზენტაციით - „დიალექტები“;

სსიპ ონის მუნიციპალიტეტის სოფელ ჭიორის საჯარო სკოლა

პრეზენტაციით - „ჩემი სოფლის დიალექტები“;

სოციალური ქსელის მომხმარებლის რჩეული გახდა:

სსიპ სიმონ სხირტლაძის სახელობის ქალაქ ონის საჯარო სკოლა

პრეზენტაციით - „ცოცხალი არქივი: ღებური დიალექტის ანატომია“;

სსიპ ონის მუნიციპალიტეტის სოფელ ღების საჯარო სკოლა

პრეზენტაციით - „რაჭული კილო: ენისა და მთის ეკოსისტემა“

მონაწილე საჯარო სკოლებს გადაეცათ საჩუქრები, გამარჯვებული კონკურსანტები დაჯილდოვდნენ სიგელებით და ექსკურსიით რომლის ფარგლებშიც გაემგზავრებიან სოფელ ვარიანში იაკობ გოგებაშვილის სახლ-მუზეუმში.

პროექტი 2021-2030 წლების სახელმწიფო ენის ერთიანი პროგრამის (სტრატეგიის) შესასრულებლად ონის მუნიციპალიტეტის 2025-2026 წლების სამოქმედო გეგმის თანახმად, ერთ-ერთ აქტივობას წარმოადგენს და მისი მიზანია, რაჭული დიალექტების კვლევა, სოფლის დიალექტების შესახებ ჩანაწერების მომზადება, შედარება თანამედროვე სამეტყველო ენასთან