ძილი გაუმჯობესდება და ქოლესტერინი შემცირდება - რომელი ხილი უნდა მიირთვათ ამისთვის ყოველდღიურად

Verywellhealth- ის ახალი კვლევის თანახმად, ავოკადოს მიღება დადებითად მოქმედებს ძილზე, ქოლესტერინის დონესა და კვებაზე.

კვლევამ აჩვენა, რომ ექვსი თვის განმავლობაში ყოველდღიურად ავოკადოს მიმღებ პირებს გაუუმჯობესდათ ძილი, ქოლესტერინის დონე და კვებითი ღირებულება. კვლევაში მონაწილეობდა მუცლის სიმსუქნის მქონე 969 ზრდასრული ადამიანი. ისინი შემთხვევითობის პრინციპით გადანაწილდნენ ორ ჯგუფად. პირველი ჯგუფი ყოველდღიურად ერთ ავოკადოს მიირთმევდა, ხოლო მეორე ჯგუფი თვეში არაუმეტეს ორ ავოკადოს. კვების რაციონში სხვა ცვლილებები არ იყო რეკომენდებული.

ექვსი თვის განმავლობაში ავოკადოს ყოველდღიურმა მოხმარებამ გააუმჯობესა კვების ხარისხის, ძილისა და სისხლის ლიპიდების ინდივიდუალური მაჩვენებლები.

ავოკადო აუმჯობესებს ძილს

კვლევის მონაწილეებს, რომლებიც ყოველდღიურად მიირთმევდნენ ავოკადოს, ძილის მდგომარეობა გაუუმჯობესდათ. კვლევის მთავარი თემა ძილი არ ყოფილა, განაცხადა ამერიკის ძილის მედიცინის აკადემიის წარმომადგენელმა და პულმონოლოგმა. ძირითადი ყურადღება გამახვილებული იყო ავოკადოს გულ-სისხლძარღვთა სისტემაზე ზემოქმედებაზე, ხოლო ძილის შესახებ დასკვნები მეორეხარისხოვანი დასკვნები იყო.

საქმე იმაშია, რომ ავოკადო არ არის საძილე საშუალება, მაგრამ შეიცავს მაგნიუმს, კალიუმს და ჯანსაღ ცხიმებს, რომლებიც ხელს უწყობენ ძილს, აღნიშნა საიტომ.

„ჯანსაღი ცხიმების, რთული ნახშირწყლებისა და ცილების კომბინაციით რეგულარული, დაბალანსებული დიეტა დაგეხმარებათ ცირკადული რიტმის შენარჩუნებაში“, - თქვა მან.

ავოკადო ამცირებს ქოლესტერინს

ავოკადო „ჯანსაღი“ მონოუჯერი ცხიმების კარგი წყაროა. წინა კვლევებმა აჩვენა, რომ ამ ხილის მიღება, განსაკუთრებით ისეთი ნაჯერი ცხიმების ნაცვლად, როგორიცაა კარაქი და ყველი, ხელს უწყობს გულის დაავადებების რისკის შემცირებას.

გარდა ამისა, ერთი ავოკადო შეიცავს დაახლოებით 10 გრამ ბოჭკოს, რაც ხელს უწყობს ქოლესტერინის დონის შემცირებას და გულის დაავადებების რისკის შემცირებას.