ნიკოლ ფაშინიანი: სომხეთ-საქართველოს ურთიერთობა სტრატეგიული, გრძელვადიანი, ისტორიული და ძმური ხასიათისაა და ასეთად დარჩება. სხვა სცენარი ვერ იქნება

სომხეთის პრემიერ-მინისტრის ნიკოლ ფაშინიანის განცხადებით, სომხეთ-საქართველოს ურთიერთობა სტრატეგიული, გრძელვადიანი, ისტორიული და ძმური ხასიათისაა და ასეთად დარჩება.

როგორც სომხეთის მთავრობის თავმჯდომარემ პრესკონფერენციაზე სომეხ ჟურნალისტებს განუცხადა, სომხეთ-საქართველოს ურთიერთობას არაფერი აქვს საერთო მესამე მხარის ურთიერთობებთან.

„სომხეთ-საქართველოს ურთიერთობებს არაფერი აქვთ საერთო მესამე მხარის ურთიერთობებთან. სომხეთ-საქართველოს ურთიერთობა სტრატეგიული, გრძელვადიანი, ისტორიული და ძმური ხასიათისაა და ასეთად დარჩება. სხვა სცენარი ვერ იქნება“, - განმარტა ფაშინიანმა.

მან კიდევ ერთხელ აღნიშნა, რომ სომხეთ-ევროკავშირის ურთიერთობებში საქართველო საკვანძო როლს ასრულებს. ფაშინიანის თქმით, ის შეშფოთებულია საქართველო-ევროკავშირის დღევანდელი ურთიერთობით.

„რაც შეეხება საქართველოს, მე ადრე მკაფიოდ განვაცხადე, რომ საქართველო მნიშვნელოვან და საკვანძო როლს თამაშობს სომხეთ-ევროკავშირის ურთიერთობებში. ჩვენ შეშფოთებულები ვართ არსებული მდგომარეობით. ვთვლით, რომ ეს ვითარება უნდა დარეგულირდეს“, - განაცხადა ფაშინიანმა.