ლევან მახაშვილი: არ ვარ დარწმუნებული, რომ სალომე სამადაშვილი ის პიროვნებაა, რომელმაც შეიძლება დემოკრატიულ პროცესებზე დამაჯერებლად ისაუბროს

არ ვარ დარწმუნებული, რომ სალომე სამადაშვილი ის პიროვნებაა, რომელმაც შეიძლება დემოკრატიულ პროცესებზე დამაჯერებლად ისაუბროს, რადგან ბრიუსელში იყო ელჩი, რომელიც იმ რეჟიმს წარმოადგენდა, ვინც საკუთარ მოსახლეობას აწამებდა, - განაცხადა პარლამენტის ევროინტეგრაციის კომიტეტის თავმჯდომარე ლევან მახაშვილმა ბუდაპეშტში, სადაც ქართულ დელეგაციასთან ერთად ოფიციალური ვიზიტით იმყოფება.

„თუ რაიმე შეუძლია, გააკეთოს, სიმართლეს უნდა გაუსწოროს თვალი და დემოკრატიულ პროცესებს დაუბრუნდეს. ევროკავშირის მხრიდან საპარლამენტო არჩევნების გაყალბების თაობაზე არც ერთი კითხვა არ არსებობს, ეუთო-ს დასკვნები კი ცალსახაა. რასაც ოპოზიცია აკეთებს, ამ საკითხებით მანიპულირება და მცდელობაა, რომ საკუთარი ამომრჩეველიც შეცდომაში შეიყვანოს. გაყალბებაზე კი კითხვა არც ევროკავშირში და არც სხვაგან არ არსებობს“, - აღნიშნა ლევან მახაშვილმა.