ირაკლი ზარქუა არჩევნების ლოტოტრონით ჩატარების იდეაზე: რა უნდა ილაპარაკო? სერიოზულად რა უნდა უთხრა?! - გიჟების დოღია

პარლამენტის დიასპორის კომიტეტის თავმჯდომარემ, ირაკლი ზარქუამ მურმან დუმბაძის ინიციატივა, არჩევნების ლოტოტრონით ჩატარების შესახებ, მედიასთან შეაფასა.

„ის სად წავიდა, ბურჭულაძე?.. გადაიფიქრა მობილურით რომ არჩევნებს გვიტარებს სტადიონზე?! ოღონდ უნდა დავუქირავოთ ჩვენ, ფულს ვაგროვებთ ახლა, რომ პაიჭაძის სტადიონი დავუქირავოთ, მობილურების დასატენებიც, ვიღაცას შეიძლება გამოერთოს და ვერ მიიღოს მონაწილეობა.

ახლა გამოუჩნდა კონკურენტი - მეათე-მეთერთმეტე კლასელები დავასაქმოთო, მემგონი მეთორმეტეც დაამატა, დავასაქმოთო, ლოტოტრონიო. გიჟების დოღია. აქ რა უნდა ილაპარაკო, სერიოზულად რა უნდა უთხრა?!“ “, - აღნიშნა ირაკლი ზარქუამ.

მურმან დუმბაძეს იდეა აქვს, არჩევნები სკოლის მოსწავლეებმა ლოტოტრონის პრინციპით უნდა ჩაატარონ.