უკრაინაში, ქალაქ ზაპოროჟიეში 38-საათიანი „კომენდანტის საათი“ ამოქმედდება

უკრაინის სამხრეთ ნაწილში მდებარე ქალაქ ზაპოროჟიეში 38-საათიანი კომენდანტის საათი ამოქმედდება. ამის შესახებ CNN წერს. 

როგორც ქალაქის მერის მოადგილემ განაცხადა, „კომენდანტის საათი“ უკრაინის დროით 16:00 საათიდან შევა ძალაში. „კომენდანტის საათის“ დაწესება უკრაინელი სამხედროების მოწოდებას მოჰყვა, რომლებმაც მოსახლეობას სთხოვეს გარეთ ორშაბათ დილამდე არ გამოვიდნენ.

ამასთანავე, ცნობილია, რომ ქალაქი ზაპოროჟიე მნიშვნელოვანი გზა გახდა 35 ათასი ადამიანისთვის, რომლებმაც ალყაში მოქცეული მარიუპოლი დატოვა.