მოლდოვის პრეზიდენტმა უკრაინაში დაღუპულთა ხსოვნისთვის პატივის მისაგებად, 4 აპრილი გლოვის დღედ გამოაცხადა

მოლდოვის პრეზიდენტმა მაია სანდუმ, უკრაინაში დაღუპულთა ხსოვნისთვის პატივის მისაგებად, 4 აპრილი გლოვის დღედ გამოაცხადა.

„შეუძლებელია, უყურო საშინელებებს ბუჩასა და უკრაინის სხვა ქალაქებში. შოკირებული ვარ სამოქალაქო პირების მიმართ ჩადენილი სისასტიკით. მოლდოვა მკაცრად გმობს ამ კაცობრიობის წინაშე ჩადენილ დანაშაულებს, ამ უკანონო და არაპროვოცირებულ ომს უკრაინის წინააღმდეგ“, – წერს მაია სანდუ.