ევროკავშირი მზადაა, საგამოძიებო ჯგუფი გაგზავნოს უკრაინაში ომის დანაშაულის აღსაწერად - ევროკომისიის პრეზიდენტი

ევროკომისიის პრეზიდენტი ურსულა ფონ დერ ლეიენი აცხადებს, რომ ევროკავშირი მზადაა, უკრაინაში ომის დანაშაულების აღსაწერად საგამოძიებო ჯგუფი გაგზავნოს.

„ვესაუბრე უკრაინის პრეზიდენტ ზელენსკის ბუჩასა და უკრაინის სხვა ქალაქებში მშვიდობიანი მოსახლეობის სასტიკი მკვლელობის შესახებ. ევროკავშირი, უკრაინის გენერალურ პროკურატურასთან კოორდინაციით, მზად არის, გაგზავნოს ერთობლივი საგამოძიებო ჯგუფი ომის დანაშაულების დოკუმენტირებისთვის“, - წერს ევროკომისიის პრეზიდენტი ტვიტერზე.