ედიშერ კვარაცხელიას ეზოში რუსული დროშა დაწვეს

წალენჯიხაში, სოხუმის ქუჩაზე, მთელი დღის განმავლობაში მიმდინარეობდა უკრაინაში, 10 ოქტომბერს დაღუპული მებრძოლის ედიშერ კვარაცხელიას სამოქალაქო პანაშვიდი.

დაკრძალვამდე, სიმბოლურად, დაწვეს რუსეთის დროშაც, რომელიც ცხედრის ჩამოსვენებიდან სახლის ზღურბლთან ეფინა.

44 წლის მებრძოლი ხერსონის ოლქში აფეთქებას 10 ოქტომბერს ემსხვერპლა.

კვარაცხელია სამშობლოში 15 ოქტომბერს ჩამოასვენეს.

მას საგვარეულო სასაფლაოზე სამხედრო პატივით კრძალავენ.

ავტორი: თეა შონია