საფრანგეთში საპრეზიდენტო არჩევნების მეორე ტური მიმდინარეობს

საფრანგეთში საპრეზიდენტო არჩევნების მეორე ტური მიმდინარეობს. დილიდან საარჩევნო ხმის მიცემის პროცედურა დაიწყო, რომელიც გადაწყვეტს, შეინარჩუნებს თუ არა  ემანუელ მაკრონი პოსტს, თუ მის ადგილს ულტრამემარჯვენე ევროსკეპტიკოსი მარინ ლე პენი დაიკავებს. ინფორმაციას ამის შესახებ Reuters -ი ავრცელებს. 

გამოცემის ცნობით, ბოლო დღეების გამოკითხვებმა მაკრონს მყარი და ოდნავ მზარდი უპირატესობა მიანიჭა, რადგან ანალიტიკოსების აზრით, ლე პენი ბევრისთვის კვლავ არაპოპულარულია.

საარჩევნო უბნები ადგილობრივი დროით 08:00 სთ-დან გაიხსნა და საღამოს 20:00 სთ-ზე დაიხურება.