თბილისში, ბინაში მცხოვრებმა, კარადაში გველი ნახა
1781293794
2016 წლის ნოემბერში კალიფორნიის შტატის მცხოვრები შერი პაპინი სახლიდან სარბენად გავიდა და უკვალოდ გაუჩინარდა. მისი ტელეფონი და ყურსასმენები გზის პირას იპოვეს, რის შემდეგაც პოლიციამ ფართომასშტაბიანი სამძებრო ოპერაცია დაიწყო.
ქალის გაუჩინარებამ მთელი ქვეყნის ყურადღება მიიპყრო. ოჯახი, მეგობრები და მოხალისეები მის მოსაძებნად გაერთიანდნენ. სოციალურ ქსელებში ათასობით ადამიანი ავრცელებდა ინფორმაციას დაკარგული ქალის შესახებ, ხოლო სამართალდამცველები ყველა შესაძლო ვერსიას ამოწმებდნენ.
22 დღის შემდეგ, მადლიერების დღის დილას, შერი პაპინი ერთ-ერთ ავტომაგისტრალთან იპოვეს. ის აცხადებდა, რომ ორი შეიარაღებულ ქალს ჰყავდა გატაცებული, სამი კვირის განმავლობაში ტყვეობაში ამყოფებდნენ, ფიზიკურად უსწორდებოდნენ და შემდეგ გაუშვეს.
მისი მონათხრობი იმდენად შოკისმომგვრელი იყო, რომ გამოძიება წლების განმავლობაში გრძელდებოდა. თუმცა სამართალდამცველებს დროთა განმავლობაში ეჭვები გაუჩნდათ. ქალის ისტორიაში არაერთი შეუსაბამობა აღმოჩნდა და გამოძიებამ ახალი მიმართულება მიიღო.
გადამწყვეტი აღმოჩნდა დნმ-ის კვალი, რომელმაც გამომძიებლები სხვა კვალზე გაიყვანა. საბოლოოდ დადგინდა, რომ პაპინი მთელი ამ დროის განმავლობაში ყოფილი მეგობრის სახლში იმყოფებოდა და გატაცების ისტორია გამოგონილი იყო.
ფედერალური გამომძიებლების ინფორმაციით, ქალმა არა მხოლოდ სამართალდამცველები შეიყვანა შეცდომაში, არამედ დაზარალებულთა კომპენსაციის პროგრამიდან ათიათასობით დოლარიც მიიღო. მოგვიანებით მან აღიარა, რომ გამოძიებისთვის ცრუ ინფორმაცია ჰქონდა მიწოდებული.
2022 წელს შერი პაპინიმ დანაშაული აღიარა. სასამართლომ მას თავისუფლების აღკვეთა მიუსაჯა და ასევე დააკისრა ასობით ათასი დოლარის გადახდა სახელმწიფოსთვის, რომელიც გამოძიებისა და ძებნის ხარჯებს უკავშირდებოდა.
საქმე დღემდე ერთ-ერთ ყველაზე გახმაურებულ კრიმინალურ ისტორიად ითვლება.
