პორტუგალიაში ჩატარებული ვადამდელი საპარლამენტო არჩევნების საბოლოო შედეგების მიხედვით, ულტრამემარჯვენე პარტია „ჩეგა“ ისტორიაში პირველად გახდა მთავარი ოპოზიციური პარტია

პორტუგალიაში 18 მაისს ჩატარებული ვადამდელი საპარლამენტო არჩევნების საბოლოო შედეგების მიხედვით, ულტრამემარჯვენე პარტია „ჩეგა“ ისტორიაში პირველად გახდა მთავარი ოპოზიციური პარტია.

როგორც „როიტერი“ წერს, ულტრამემარჯვენე პარტიამ პირველად გაუსწრო სოციალისტებს და მთავარი ოპოზიციური პარტია გახდა.

„როიტერის“ ცნობით, დემოკრატიულმა ალიანსმა, რომელსაც პრემიერ-მინისტრი ლუიშ მონტენეგრუ ხელმძღვანელობს, 230-ადგილიან ერთპალატიან პარლამენტში 91 ადგილი მოიპოვა.

ულტრამემარჯვენე პარტია „ჩეგას“ 60 ადგილი აქვს, ხოლო სოციალისტებს 58.