ერდოღანი: ისრაელის თავდასხმა ჩვენს მეზობელ ირანზე აშკარა პროვოკაციაა, რომელიც უგულებელყოფს საერთაშორისო სამართალს

თურქეთის პრეზიდენტმა, რეჯეფ თაიფ ერდოღანმა განაცხადა, რომ ირანზე თავდასხმების შემდეგ ისრაელი ცდილობს მსოფლიო კატასტროფისკენ წაიყვანოს, და მოუწოდებს საერთაშორისო საზოგადოებას შეაჩეროს ის, რასაც მან ისრაელის „ბანდიტობა“ უწოდა.

„ისრაელის თავდასხმა ჩვენს მეზობელ ირანზე არის აშკარა პროვოკაცია, რომელიც უგულებელყოფს საერთაშორისო სამართალს“, - აღნიშნა რეჯეფ თაიფ ერდოღანმა.

„საერთაშორისო საზოგადოებამ უნდა შეაჩეროს ისრაელის ბანდიტობა, რომლის სამიზნე გლობალური და რეგიონული სტაბილურობაა“, - განაცხადა თურქეთის ლიდერმა.

მისი თქმით, ნეთანიაჰუს მთავრობა „ცდილობს ჩვენი რეგიონი და მთელი მსოფლიო კატასტროფისკენ წაიყვანოს თავისი უგუნური, აგრესიული და უკანონო ქმედებებით“.