ატომური ენერგიის საერთაშორისო სააგენტოს ირანიდან ინსპექტორები გაჰყავს

გაერო-ს ატომური ენერგიის საერთაშორისო სააგენტოს, უსაფრთხოებიდან გამომდინარე, ირანიდან ინსპექტორები გაჰყავს, რითიც წყვეტს კავშირს სააგენტოსა და თეირანს შორის.

ინფორმაციას „უოლ სთრით ჯორნალი“ ავრცელებს.

გავრცელებული ინფორმაციით, სააგენტოს ინსპექტორების ჯგუფმა ირანი დღეს დატოვა, ისინი ვენაში ბრუნდებიან.

მანამდე ირანის პრეზიდენტმა, მასუდ ფეზეშქიანმა განაცხადა, რომ თეირანი ატომური ენერგიის საერთაშორისო სააგენტოსთან თანამშრომლობას წყვეტს.