ივანე ჩხაიძე: „ფაიზერის“ ახალი პარტია ქვეყანაში უკვე შემოვიდა და იმედია ვაქცინაციის მაჩვენებელი კიდევ უფრო მოიმატებს

ვაქცინაციის ტემპი 1 აპრილიდან ძალიან დაბალია, - ამის შესახებ იმუნიზაციის ტექნიკურ მრჩეველთა ეროვნული ჯგუფის ხელმძღვანელმა ივანე ჩხაიძემ „ქრონიკას“ განუცხადა.

„საქართველოში ყველაზე პოპულარული „ფაიზერის“ ვაქცინაა და რამდენიმე დღის განმავლობაში შეწყვეტა იყო ვაქცინის მოწოდების თვალსაზრისით. ახალი პარტია „ფაიზერის“ ვაქცინის ქვეყანაში უკვე შემოვიდა და იმედია ვაქცინაციის მაჩვენებელი კიდევ უფრო მოიმატებს. წლის ბოლომდე ეტაპობრივად მილიონი დოზა „ფაიზერის“ ვაქცინა შემოვა საქართველოში“, - განაცხადა ივანე ჩხაიძემ