წინ არაერთი განათლებით მიღწეული გამარჯვება გელოდებათ - ავთანდილ თალაკვაძე

დღეს, ოზურგეთის მერმა ავთანდილ თალაკვაძემ, მოადგილეებთან გიორგი ღურჯუმელიძესთან, ნათია გოლიაძესთან და საკრებულოს თავმჯდომარე დავით დარჩიასთან ერთად, საჯარო სკოლების მოსწავლეებს და პედაგოგებს ახალი სასწავლო წლის დაწყება მიულოცეს.

„ვულოცავ ახალი სასწავლო წლის დაწყებას ჩვენს ახალგაზრდებს, პედაგოგებს და განსაკუთრებით პირველკლასელებს, რომლებიც ამ დღეს დიდი მონდომებით ხვდებიან!

მჯერა, სკოლაში გატარებული წლები, მნიშვნელოვანი და საინტერესო პერიოდი იქნება თითოეული თქვენგანის ცხოვრებაში - წინ არაერთი განათლებით მიღწეული გამარჯვება გელოდებათ. წარმატებებს გისურვებთ!“,- აღნიშნა მერმა.