„ხანძრის კერა საკმაოდ დიდია“ - რა ხდება ამ წუთებში ჩოხატაურში

ჩოხატაურის მუნიციპალიტეტში ხანძარია.

შემთხვევის ამსახველ ფოტოებს სოციალურ ქსელში ჩოხატაურის მუნიციპალიტეტის მერი ავრცელებს. 

„ხანძარია სოფელ ზემოხეთში, ქედის ტყის მიმართულებით, ადგილზე მობილიზებულია სახანძრო სამაშველო სამსახური და ვებრძვით ხანძარს ტყის მასივში, ასევე გვეხმარებიან მეზობელი მუნიციპალიტეტებიდან შესაბამისი სამსახურები, ხანძრის კერა საკმაოდ დიდია“, - წერს დათო შარაშიძე.