შეშუპება თუ ჭარბი წონა - როგორ განვასხვაოთ ერთმანეთისგან

ბევრი ჩვენგანი დილით იღვიძებს უსიამოვნო შეგრძნებით, რომ სახე ან სხეული შეშუპებულია. ეს შეიძლება იყოს დროებითი შეშუპება ან ჭარბი წონის ნიშნები. თუმცა, ყოველთვის ადვილი არ არის იმის გაგება, თუ რა ხდება ჩვენს ორგანიზმში.

რა იწვევს შეშუპებას?

შეშუპება არ არის მხოლოდ კოსმეტიკური პრობლემა. ის წარმოიქმნება სისხლძარღვების და ლიმფური სისტემების მუშაობის დარღვევის გამო. როდესაც სითხე გროვდება ქსოვილებში, კანი ელასტიკურობას კარგავს და სივდება. შეშუპების გამოჩენის მრავალი მიზეზი არსებობს. მაგალითად, ეს შეიძლება იყოს არასწორი კვების შედეგი: მარილიანი საკვების გადამეტება, ცილების ნაკლებობა ან მისი ჭარბი რაოდენობა. ასევე შეშუპება ხშირად ასოცირდება სუსტ სისხლძარღვებთან. ასეთ შემთხვევაში, სისხლის პლაზმა კედლებში „გაჟონვას“ იწყებს, რაც იწვევს ქსოვილებში სითხის დაგროვებას. 

გარდა ამისა, შეშუპება შეიძლება გამოჩნდეს უძილო ღამის ან თუნდაც ზედმეტი ძილის შემდეგ. ყველა ეს ფაქტორი არღვევს ორგანიზმში მეტაბოლურ პროცესებს, რაც იწვევს სითხის შეკავებას. ხშირად შეშუპება ერევათ ჭარბ წონაში, რადგან რეალურად ზრდის სხეულის მოცულობას. არსებობს გზები იმის დასადგენად, თუ რა ხდება სინამდვილეში.

როგორ განვასხვაოთ შეშუპება ზედმეტი კილოგრამებისგან?

შეშუპების პირველი ნიშანი კანის მდგომარეობის ცვლილებაა. ის ხდება პასტისებრი, ანუ უფრო რბილი და შესივებული, ცომის მსგავსი. თითის დაჭერისას კანზე ღრმული გამოჩნდება, რომელიც ნელ-ნელა აღდგება.

თუ ფეხზე შარვლის მანჟეტის ან წინდის ელასტიკური ზოლის კვალი რჩება. ეს ქსოვილებში ჭარბი სითხის დაგროვების ნიშანია. ასეთ ადგილებში კანი ფერმკრთალი და ნაკლებად ელასტიკური ხდება.

მთავარი განსხვავება შეშუპებასა და ჭარბ წონას შორის არის ის, რომ ისინი, როგორც წესი, დროებითია და ქრება მიზეზის აღმოფხვრის გარეშე. ხოლო ზედმეტი წონა არ გაქრება არც ხვალ და არც ერთ თვეში ვარჯიშის და დიეტის კორექტირების გარეშე. განაგრძეთ კითხვა...