სამზარეულოს ნივთები, რომლებიც კიბოს რისკს ზრდიან

საქართველოს საზოგადოებრივი ჯანდაცვის ინსტიტუტის თავმჯდომარე, პროფესორი გიორგი ფხაკაძე სოციალურ ქსელში ხშირად აქვეყნებს სასარგებლო ინფორმაციებს. ამჯერად, მეცნიერი იმ ნივთების შესახებ გვაფრთხილებს, რომლებიც სამზარეულოში გვხვდება და რომლებიც ჯანმრთელობისთვის საზიანოა.

„მოდი ვნახოთ, რას უნდა ავარიდოთ თავი და რით ჩავანაცვლოთ:

1.ალუმინის ფოლგა → საცხობი ქაღალდი (Parchment Paper)

რისკი: მაღალ ტემპერატურაზე ალუმინი შესაძლებელია ჩაილიოთ საკვებში, რაც ნეიროტოქსიკურობასთან და პოტენციურ კიბოსთან არის დაკავშირებული.
სჯობს გამოიყენოთ: საცხობი ქაღალდი, რომელიც არ გამოყოფს ტოქსინებს სიცხეზე.

2.პლასტმასის დაფები →ბამბუკის ან ხის დაფები

რისკი: პლასტმასა დაზიანებისას გამოყოფს მიკროპლასტმასას, რომელიც ორგანიზმში ხვდება და ასოცირებულია კუჭ-ნაწლავისა და ენდოკრინულ პრობლემებთან.
სჯობს გამოიყენოთ: ბამბუკის დაფა – ბუნებრივი, მდგრადი და არ იკაწრება მარტივად.

3.ტეფლონის ტაფა → უჟანგავი ფოლადი (Stainless Steel)

რისკი: თუ ტეფლონის საფარი დაზიანდა, ის გამოყოფს PFOA/PTFE ნივთიერებებს – ცნობილ კარცინოგენებს.
სჯობს გამოიყენოთ: უჟანგავი ფოლადის ან კერამიკული საფარით დაფარული ჭურჭელი.

4.პლასტმასის ჭურჭელი →მინის კონტეინერები

რისკი: პლასტმასის კონტეინერები, განსაკუთრებით როცა მათ ვაცხელებთ მიკროტალღურ ღუმელში, გამოყოფენ ბისფენოლ A-ს (BPA) და სხვა ქიმიკატებს.
სჯობს გამოიყენოთ: მინის კონტეინერები, რომლებიც არა მხოლოდ უსაფრთხოა, არამედ საკვების გემოც უკეთ ინახება.

რატომ არის ეს ინფორმაცია მნიშვნელოვანი?• ყოველდღიური მცირე ზიანი გროვდება – ტოქსინები, ქიმიკატები და მიკროპლასტმასი ჩვენს ორგანიზმში ჩერდება წლობით.• ეს ნივთიერებები დაკავშირებულია ენდოკრინულ დარღვევებთან, ქრონიკულ ანთებასთან და კიბოს განვითარებასთან.“ - აღნიშნავს გიორგი ფხაკაძე.