უკრაინასა და საქართველოს გვაქვს ქრონიკული დაავადება, რუსეთი - იაგო ხვიჩია

რუსეთის პრეზიდენტმა, ვლადიმერ პუტინმა უკრაინის ოკუპირებული ტერიტორიები, ლუგანსკისა და დონეცკის ოლქები "დამოუკიდებელ" რესპუბლიკებად აღიარა.

მოვლენებს „გირჩის“ დეპუტატი, იაგო ხვიჩია გამოეხმაურა. დეპუტატმა რუსეთს ქრონიკული დაავადება უწეოდა, „რომელთან ერთად ცხოვრება ისე უნდა ვისწავლოთ, რომ ნაკლები ზიანი მივიღოთ“.

„ცხადია, რომ უკრაინას და საქართველოს იდენტური მდგომარეობა აქვს, ორივეს გვაქვს ქრონიკული დაავადება, რომელსაც ჰქვია რუსეთი, ვერაფერს ვუშვრებით ჯერჯერობით და არც განკურნების წამალია მოგონილი, ამიტომ უნდა ვისწავლოთ ამ დაავადებასთან თანაცხოვრება ისე, რომ მინიმალური ზიანი მივიღოთ და მომავალში შევძლოთ განკურნება“, - განაცხადა იაგო ხვიჩიამ.