ქვეყანა ეკონომიკური წინსვლით, მშვიდობიანი პოლიტიკის წყალობით მიდის სასურველ შედეგამდე და ეს ყველაფერი აისახება იმ რეიტინგებში, რომელიც საერთაშორისო კომპეტენტური ორგანოების მიერაა გამოქვეყნებული - დავით მათიკაშვილი

საპროცედურო საკითხთა და წესების საპარლამენტო კომიტეტის თავმჯდომარე დავით მათიკაშვილი გამოეხმაურა ინფორმაციას, რომ საერთაშორისო სარეიტინგო სააგენტო S&P Global Ratings-მა საქართველოს სუვერენული რეიტინგი „BB“ დონეზე, ხოლო პერსპექტივა - „სტაბილურზე“ შეინარჩუნა.

„ჩვენი ქვეყანა მდგრადი განვითარებით, ეკონომიკური წინსვლით, მშვიდობიანი პოლიტიკის წყალობით მიდის სასურველ შედეგამდე და ეს ყველაფერი აისახება იმ რეიტინგებში, რომელიც საერთაშორისო კომპეტენტური ორგანოების მიერაა გამოქვეყნებული.

თავდაპირველი ვარაუდები, რომლებიც შედარებით დაბალ რეიტინგს გულისხმობდა, იყო გაზრდილი კონკრეტული საერთაშორისო ინსტიტუტების მხრიდან, რაც პირდაპირი მნიშვნელობით გულისხმობს, „ქართული ოცნების“ ხელისუფლების მიერ სწორ ეკონომიკურ, ფისკალურ პოლიტიკას ქვეყნის განვითარებისა და ეკონომიკური წინსვლისთვის“, - განაცხადა მათიკაშვილმა.