უკრაინის პირველი ლედი: თუ არ შევაჩერებთ პუტინს, რომელიც ბირთვული იარაღით იმუქრება, მსოფლიოში უსაფრთხო ადგილი აღარ იქნება

უკრაინის პირველი ლედი, ოლენა ზელენსკა უკრაინის საჰაერო სივრცის დახურვას ითხოვს.

„ის, რაც გვჭირდება და რასაც მთელ მსოფლიოში ვაცხადებთ – დახურეთ ცა! გაიხადეთ თქვენი თეთრი ხელთათმანები, მაინც ვერ შეინარჩუნებთ ნეიტრალობას. რადგან შემდეგში პუტინი შესაძლოა, თქვენთან მოვიდეს. თუ არ შევაჩერებთ პუტინს, რომელიც ბირთვული იარაღით იმუქრება, მსოფლიოში უსაფრთხო ადგილი აღარ იქნება“, - აღნიშნავს უკრაინის პირველი ლედი და მსოფლიო მედიას მოუწოდებს, არ გაჩუმდეს და უკრაინაში ომის შესახებ ილაპარაკოს.